ΣΟΦΊΑ ΣΑΛΩΜΩΝ, κεφαλίς 1: BIBLE, Grec / Septante == BIBLE-CENTRE

ΣΟΦΊΑ ΣΑΛΩΜΩΝ, κεφαλίς 1

¹'Αγαπήσατε δικαιοσύνην οἱ κρίνοντες τὴν γη̃ν φρονήσατε περὶ του̃ κυρίου ἐν ἀγαθότητι καὶ ἐν ἁπλότητι καρδίας ζητήσατε αὐτόν

²ὅτι εὑρίσκεται τοι̃ς μὴ πειράζουσιν αὐτόν ἐμφανίζεται δὲ τοι̃ς μὴ ἀπιστου̃σιν αὐτω̨̃

³σκολιοὶ γὰρ λογισμοὶ χωρίζουσιν ἀπὸ θεου̃ δοκιμαζομένη τε ἡ δύναμις ἐλέγχει τοὺς ἄφρονας

⁴ὅτι εἰς κακότεχνον ψυχὴν οὐκ εἰσελεύσεται σοφία οὐδὲ κατοικήσει ἐν σώματι κατάχρεω̨ ἁμαρτίας

⁵ἅγιον γὰρ πνευ̃μα παιδείας φεύξεται δόλον καὶ ἀπαναστήσεται ἀπὸ λογισμω̃ν ἀσυνέτων καὶ ἐλεγχθήσεται ἐπελθούσης ἀδικίας

⁶φιλάνθρωπον γὰρ πνευ̃μα σοφία καὶ οὐκ ἀθω̨ώσει βλάσφημον ἀπὸ χειλέων αὐτου̃ ὅτι τω̃ν νεφρω̃ν αὐτου̃ μάρτυς ὁ θεὸς καὶ τη̃ς καρδίας αὐτου̃ ἐπίσκοπος ἀληθὴς καὶ τη̃ς γλώσσης ἀκουστής

⁷ὅτι πνευ̃μα κυρίου πεπλήρωκεν τὴν οἰκουμένην καὶ τὸ συνέχον τὰ πάντα γνω̃σιν ἔχει φωνη̃ς

⁸διὰ του̃το φθεγγόμενος ἄδικα οὐδεὶς μὴ λάθη̨ οὐδὲ μὴ παροδεύση̨ αὐτὸν ἐλέγχουσα ἡ δίκη

⁹ἐν γὰρ διαβουλίοις ἀσεβου̃ς ἐξέτασις ἔσται λόγων δὲ αὐτου̃ ἀκοὴ πρὸς κύριον ἥξει εἰς ἔλεγχον ἀνομημάτων αὐτου̃

¹⁰ὅτι οὐ̃ς ζηλώσεως ἀκροα̃ται τὰ πάντα καὶ θρου̃ς γογγυσμω̃ν οὐκ ἀποκρύπτεται

¹¹φυλάξασθε τοίνυν γογγυσμὸν ἀνωφελη̃ καὶ ἀπὸ καταλαλια̃ς φείσασθε γλώσσης ὅτι φθέγμα λαθραι̃ον κενὸν οὐ πορεύσεται στόμα δὲ καταψευδόμενον ἀναιρει̃ ψυχήν

¹²μὴ ζηλου̃τε θάνατον ἐν πλάνη̨ ζωη̃ς ὑμω̃ν μηδὲ ἐπισπα̃σθε ὄλεθρον ἐν ἔργοις χειρω̃ν ὑμω̃ν

¹³ὅτι ὁ θεὸς θάνατον οὐκ ἐποίησεν οὐδὲ τέρπεται ἐπ' ἀπωλεία̨ ζώντων

¹⁴ἔκτισεν γὰρ εἰς τὸ εἰ̃ναι τὰ πάντα καὶ σωτήριοι αἱ γενέσεις του̃ κόσμου καὶ οὐκ ἔστιν ἐν αὐται̃ς φάρμακον ὀλέθρου οὔτε ἅ̨δου βασίλειον ἐπὶ γη̃ς

¹⁵δικαιοσύνη γὰρ ἀθάνατός ἐστιν

¹⁶ἀσεβει̃ς δὲ ται̃ς χερσὶν καὶ τοι̃ς λόγοις προσεκαλέσαντο αὐτόν φίλον ἡγησάμενοι αὐτὸν ἐτάκησαν καὶ συνθήκην ἔθεντο πρὸς αὐτόν ὅτι ἄξιοί εἰσιν τη̃ς ἐκείνου μερίδος εἰ̃ναι

Pour que les textes en grec s’affichent correctement, il est préférable d’installer la police Lucida Sans Unicode. De même, pour les textes en slavon ancien, installez la police Hirmos. Si votre navigateur prend en charge CSS3, les polices s’afficheront automatiquement.


	Après votre inscription, vous pourrez vous abonner à l’envoi des textes de n’importe quel plan de lecture de la Bible. Nous prévoyons d’ajouter progressivement des paramètres personnalisés ainsi que d’autres services pour les utilisateurs inscrits. Nous vous conseillons donc de vous inscrire dès maintenant. C’est gratuit.