ΣΟΦΊΑ ΣΑΛΩΜΩΝ, κεφαλίς 2: BIBLE, Grec / Septante == BIBLE-CENTRE

ΣΟΦΊΑ ΣΑΛΩΜΩΝ, κεφαλίς 2

¹εἰ̃πον γὰρ ἐν ἑαυτοι̃ς λογισάμενοι οὐκ ὀρθω̃ς ὀλίγος ἐστὶν καὶ λυπηρὸς ὁ βίος ἡμω̃ν καὶ οὐκ ἔστιν ἴασις ἐν τελευτη̨̃ ἀνθρώπου καὶ οὐκ ἐγνώσθη ὁ ἀναλύσας ἐξ ἅ̨δου

²ὅτι αὐτοσχεδίως ἐγενήθημεν καὶ μετὰ του̃το ἐσόμεθα ὡς οὐχ ὑπάρξαντες ὅτι καπνὸς ἡ πνοὴ ἐν ῥισὶν ἡμω̃ν καὶ ὁ λόγος σπινθὴρ ἐν κινήσει καρδίας ἡμω̃ν

³οὑ̃ σβεσθέντος τέφρα ἀποβήσεται τὸ σω̃μα καὶ τὸ πνευ̃μα διαχυθήσεται ὡς χαυ̃νος ἀήρ

⁴καὶ τὸ ὄνομα ἡμω̃ν ἐπιλησθήσεται ἐν χρόνω̨ καὶ οὐθεὶς μνημονεύσει τω̃ν ἔργων ἡμω̃ν καὶ παρελεύσεται ὁ βίος ἡμω̃ν ὡς ἴχνη νεφέλης καὶ ὡς ὁμίχλη διασκεδασθήσεται διωχθει̃σα ὑπὸ ἀκτίνων ἡλίου καὶ ὑπὸ θερμότητος αὐτου̃ βαρυνθει̃σα

⁵σκια̃ς γὰρ πάροδος ὁ καιρὸς ἡμω̃ν καὶ οὐκ ἔστιν ἀναποδισμὸς τη̃ς τελευτη̃ς ἡμω̃ν ὅτι κατεσφραγίσθη καὶ οὐδεὶς ἀναστρέφει

⁶δευ̃τε οὐ̃ν καὶ ἀπολαύσωμεν τω̃ν ὄντων ἀγαθω̃ν καὶ χρησώμεθα τη̨̃ κτίσει ὡς ἐν νεότητι σπουδαίως

⁷οἴνου πολυτελου̃ς καὶ μύρων πλησθω̃μεν καὶ μὴ παροδευσάτω ἡμα̃ς ἄνθος ἔαρος

⁸στεψώμεθα ῥόδων κάλυξιν πρὶν ἢ μαρανθη̃ναι

⁹μηδεὶς ἡμω̃ν ἄμοιρος ἔστω τη̃ς ἡμετέρας ἀγερωχίας πανταχη̨̃ καταλίπωμεν σύμβολα τη̃ς εὐφροσύνης ὅτι αὕτη ἡ μερὶς ἡμω̃ν καὶ ὁ κλη̃ρος οὑ̃τος

¹⁰καταδυναστεύσωμεν πένητα δίκαιον μὴ φεισώμεθα χήρας μηδὲ πρεσβύτου ἐντραπω̃μεν πολιὰς πολυχρονίους

¹¹ἔστω δὲ ἡμω̃ν ἡ ἰσχὺς νόμος τη̃ς δικαιοσύνης τὸ γὰρ ἀσθενὲς ἄχρηστον ἐλέγχεται

¹²ἐνεδρεύσωμεν τὸν δίκαιον ὅτι δύσχρηστος ἡμι̃ν ἐστιν καὶ ἐναντιου̃ται τοι̃ς ἔργοις ἡμω̃ν καὶ ὀνειδίζει ἡμι̃ν ἁμαρτήματα νόμου καὶ ἐπιφημίζει ἡμι̃ν ἁμαρτήματα παιδείας ἡμω̃ν

¹³ἐπαγγέλλεται γνω̃σιν ἔχειν θεου̃ καὶ παι̃δα κυρίου ἑαυτὸν ὀνομάζει

¹⁴ἐγένετο ἡμι̃ν εἰς ἔλεγχον ἐννοιω̃ν ἡμω̃ν βαρύς ἐστιν ἡμι̃ν καὶ βλεπόμενος

¹⁵ὅτι ἀνόμοιος τοι̃ς ἄλλοις ὁ βίος αὐτου̃ καὶ ἐξηλλαγμέναι αἱ τρίβοι αὐτου̃

¹⁶εἰς κίβδηλον ἐλογίσθημεν αὐτω̨̃ καὶ ἀπέχεται τω̃ν ὁδω̃ν ἡμω̃ν ὡς ἀπὸ ἀκαθαρσιω̃ν μακαρίζει ἔσχατα δικαίων καὶ ἀλαζονεύεται πατέρα θεόν

¹⁷ἴδωμεν εἰ οἱ λόγοι αὐτου̃ ἀληθει̃ς καὶ πειράσωμεν τὰ ἐν ἐκβάσει αὐτου̃

¹⁸εἰ γάρ ἐστιν ὁ δίκαιος υἱὸς θεου̃ ἀντιλήμψεται αὐτου̃ καὶ ῥύσεται αὐτὸν ἐκ χειρὸς ἀνθεστηκότων

¹⁹ὕβρει καὶ βασάνω̨ ἐτάσωμεν αὐτόν ἵνα γνω̃μεν τὴν ἐπιείκειαν αὐτου̃ καὶ δοκιμάσωμεν τὴν ἀνεξικακίαν αὐτου̃

²⁰θανάτω̨ ἀσχήμονι καταδικάσωμεν αὐτόν ἔσται γὰρ αὐτου̃ ἐπισκοπὴ ἐκ λόγων αὐτου̃

²¹ταυ̃τα ἐλογίσαντο καὶ ἐπλανήθησαν ἀπετύφλωσεν γὰρ αὐτοὺς ἡ κακία αὐτω̃ν

²²καὶ οὐκ ἔγνωσαν μυστήρια θεου̃ οὐδὲ μισθὸν ἤλπισαν ὁσιότητος οὐδὲ ἔκριναν γέρας ψυχω̃ν ἀμώμων

²³ὅτι ὁ θεὸς ἔκτισεν τὸν ἄνθρωπον ἐπ' ἀφθαρσία̨ καὶ εἰκόνα τη̃ς ἰδίας ἀϊδιότητος ἐποίησεν αὐτόν

²⁴φθόνω̨ δὲ διαβόλου θάνατος εἰση̃λθεν εἰς τὸν κόσμον πειράζουσιν δὲ αὐτὸν οἱ τη̃ς ἐκείνου μερίδος ὄντες

Pour que les textes en grec s’affichent correctement, il est préférable d’installer la police Lucida Sans Unicode. De même, pour les textes en slavon ancien, installez la police Hirmos. Si votre navigateur prend en charge CSS3, les polices s’afficheront automatiquement.


	Après votre inscription, vous pourrez vous abonner à l’envoi des textes de n’importe quel plan de lecture de la Bible. Nous prévoyons d’ajouter progressivement des paramètres personnalisés ainsi que d’autres services pour les utilisateurs inscrits. Nous vous conseillons donc de vous inscrire dès maintenant. C’est gratuit.