ΣΟΦΊΑ SEIRAC, κεφαλίς 42: BIBLE, Grec / Septante == BIBLE-CENTRE

ΣΟΦΊΑ SEIRAC, κεφαλίς 42

¹μὴ περὶ τούτων αἰσχυνθη̨̃ς καὶ μὴ λάβη̨ς πρόσωπον του̃ ἁμαρτάνειν

²περὶ νόμου ὑψίστου καὶ διαθήκης καὶ περὶ κρίματος δικαιω̃σαι τὸν ἀσεβη̃

³περὶ λόγου κοινωνου̃ καὶ ὁδοιπόρων καὶ περὶ δόσεως κληρονομίας ἑταίρων

⁴περὶ ἀκριβείας ζυγου̃ καὶ σταθμίων καὶ περὶ κτήσεως πολλω̃ν καὶ ὀλίγων

⁵περὶ διαφόρου πράσεως ἐμπόρων καὶ περὶ παιδείας τέκνων πολλη̃ς καὶ οἰκέτη̨ πονηρω̨̃ πλευρὰν αἱμάξαι

⁶ἐπὶ γυναικὶ πονηρα̨̃ καλὸν σφραγίς καὶ ὅπου χει̃ρες πολλαί κλει̃σον

⁷ὃ ἐὰν παραδιδω̨̃ς ἐν ἀριθμω̨̃ καὶ σταθμω̨̃ καὶ δόσις καὶ λη̃μψις πάντα ἐν γραφη̨̃

⁸περὶ παιδείας ἀνοήτου καὶ μωρου̃ καὶ ἐσχατογήρως κρινομένου πρὸς νέους καὶ ἔση̨ πεπαιδευμένος ἀληθινω̃ς καὶ δεδοκιμασμένος ἔναντι παντὸς ζω̃ντος

⁹θυγάτηρ πατρὶ ἀπόκρυφος ἀγρυπνία καὶ ἡ μέριμνα αὐτη̃ς ἀφιστα̨̃ ὕπνον ἐν νεότητι αὐτη̃ς μήποτε παρακμάση̨ καὶ συνω̨κηκυι̃α μήποτε μισηθη̨̃

¹⁰ἐν παρθενία̨ μήποτε βεβηλωθη̨̃ καὶ ἐν τοι̃ς πατρικοι̃ς αὐτη̃ς ἔγκυος γένηται μετὰ ἀνδρὸς οὐ̃σα μήποτε παραβη̨̃ καὶ συνω̨κηκυι̃α μήποτε στειρωθη̨̃

¹¹ἐπὶ θυγατρὶ ἀδιατρέπτω̨ στερέωσον φυλακήν μήποτε ποιήση̨ σε ἐπίχαρμα ἐχθροι̃ς λαλιὰν ἐν πόλει καὶ ἔκκλητον λαου̃ καὶ καταισχύνη̨ σε ἐν πλήθει πολλω̃ν

¹²παντὶ ἀνθρώπω̨ μὴ ἔμβλεπε ἐν κάλλει καὶ ἐν μέσω̨ γυναικω̃ν μὴ συνέδρευε

¹³ἀπὸ γὰρ ἱματίων ἐκπορεύεται σὴς καὶ ἀπὸ γυναικὸς πονηρία γυναικός

¹⁴κρείσσων πονηρία ἀνδρὸς ἢ ἀγαθοποιὸς γυνή καὶ γυνὴ καταισχύνουσα εἰς ὀνειδισμόν

¹⁵μνησθήσομαι δὴ τὰ ἔργα κυρίου καὶ ἃ ἑόρακα ἐκδιηγήσομαι ἐν λόγοις κυρίου τὰ ἔργα αὐτου̃

¹⁶ἥλιος φωτίζων κατὰ πα̃ν ἐπέβλεψεν καὶ τη̃ς δόξης κυρίου πλη̃ρες τὸ ἔργον αὐτου̃

¹⁷οὐκ ἐξεποίησεν τοι̃ς ἁγίοις κυρίου ἐκδιηγήσασθαι πάντα τὰ θαυμάσια αὐτου̃ ἃ ἐστερέωσεν κύριος ὁ παντοκράτωρ στηριχθη̃ναι ἐν δόξη̨ αὐτου̃ τὸ πα̃ν

¹⁸ἄβυσσον καὶ καρδίαν ἐξίχνευσεν καὶ ἐν πανουργεύμασιν αὐτω̃ν διενοήθη ἔγνω γὰρ ὁ ὕψιστος πα̃σαν εἴδησιν καὶ ἐνέβλεψεν εἰς σημει̃ον αἰω̃νος

¹⁹ἀπαγγέλλων τὰ παρεληλυθότα καὶ τὰ ἐσόμενα καὶ ἀποκαλύπτων ἴχνη ἀποκρύφων

²⁰οὐ παρη̃λθεν αὐτὸν πα̃ν διανόημα οὐκ ἐκρύβη ἀπ' αὐτου̃ οὐδὲ εἱ̃ς λόγος

²¹τὰ μεγαλει̃α τη̃ς σοφίας αὐτου̃ ἐκόσμησεν ὡς ἔστιν πρὸ του̃ αἰω̃νος καὶ εἰς τὸν αἰω̃να οὔτε προσετέθη οὔτε ἠλαττώθη καὶ οὐ προσεδεήθη οὐδενὸς συμβούλου

²²ὡς πάντα τὰ ἔργα αὐτου̃ ἐπιθυμητὰ καὶ ὡς σπινθη̃ρός ἐστιν θεωρη̃σαι

²³πάντα ταυ̃τα ζη̨̃ καὶ μένει εἰς τὸν αἰω̃να ἐν πάσαις χρείαις καὶ πάντα ὑπακούει

²⁴πάντα δισσά ἓν κατέναντι του̃ ἑνός καὶ οὐκ ἐποίησεν οὐδὲν ἐλλει̃πον

²⁵ἓν του̃ ἑνὸς ἐστερέωσεν τὰ ἀγαθά καὶ τίς πλησθήσεται ὁρω̃ν δόξαν αὐτου̃

Pour que les textes en grec s’affichent correctement, il est préférable d’installer la police Lucida Sans Unicode. De même, pour les textes en slavon ancien, installez la police Hirmos. Si votre navigateur prend en charge CSS3, les polices s’afficheront automatiquement.


	Après votre inscription, vous pourrez vous abonner à l’envoi des textes de n’importe quel plan de lecture de la Bible. Nous prévoyons d’ajouter progressivement des paramètres personnalisés ainsi que d’autres services pour les utilisateurs inscrits. Nous vous conseillons donc de vous inscrire dès maintenant. C’est gratuit.