ΙΟΥΔΉΘ, κεφαλίς 4: BIBLE, Grec / Septante == BIBLE-CENTRE

ΙΟΥΔΉΘ, κεφαλίς 4

¹καὶ ἤκουσαν οἱ υἱοὶ Ισραηλ οἱ κατοικου̃ντες ἐν τη̨̃ Ιουδαία̨ πάντα ὅσα ἐποίησεν Ολοφέρνης τοι̃ς ἔθνεσιν ὁ ἀρχιστράτηγος Ναβουχοδονοσορ βασιλέως 'Ασσυρίων καὶ ὃν τρόπον ἐσκύλευσεν πάντα τὰ ἱερὰ αὐτω̃ν καὶ ἔδωκεν αὐτὰ εἰς ἀφανισμόν

²καὶ ἐφοβήθησαν σφόδρα σφόδρα ἀπὸ προσώπου αὐτου̃ καὶ περὶ Ιερουσαλημ καὶ του̃ ναου̃ κυρίου θεου̃ αὐτω̃ν ἐταράχθησαν

³ὅτι προσφάτως ἠ̃σαν ἀναβεβηκότες ἐκ τη̃ς αἰχμαλωσίας καὶ νεωστὶ πα̃ς ὁ λαὸς συνελέλεκτο τη̃ς Ιουδαίας καὶ τὰ σκεύη καὶ τὸ θυσιαστήριον καὶ ὁ οἰ̃κος ἐκ τη̃ς βεβηλώσεως ἡγιασμένα ἠ̃ν

⁴καὶ ἀπέστειλαν εἰς πα̃ν ὅριον Σαμαρείας καὶ Κωνα καὶ Βαιθωρων καὶ Βελμαιν καὶ Ιεριχω καὶ εἰς Χωβα καὶ Αισωρα καὶ τὸν αὐλω̃να Σαλημ

⁵καὶ προκατελάβοντο πάσας τὰς κορυφὰς τω̃ν ὀρέων τω̃ν ὑψηλω̃ν καὶ ἐτείχισαν τὰς ἐν αὐτοι̃ς κώμας καὶ παρέθεντο εἰς ἐπισιτισμὸν εἰς παρασκευὴν πολέμου ὅτι προσφάτως ἠ̃ν τὰ πεδία αὐτω̃ν τεθερισμένα

⁶καὶ ἔγραψεν Ιωακιμ ὁ ἱερεὺς ὁ μέγας ὃς ἠ̃ν ἐν ται̃ς ἡμέραις ἐν Ιερουσαλημ τοι̃ς κατοικου̃σι Βαιτυλουα καὶ Βαιτομεσθαιμ ἥ ἐστιν ἀπέναντι Εσδρηλων κατὰ πρόσωπον του̃ πεδίου του̃ πλησίον Δωθαϊμ

⁷λέγων διακατασχει̃ν τὰς ἀναβάσεις τη̃ς ὀρεινη̃ς ὅτι δι' αὐτω̃ν ἠ̃ν ἡ εἴσοδος εἰς τὴν Ιουδαίαν καὶ ἠ̃ν εὐχερω̃ς διακωλυ̃σαι αὐτοὺς προσβαίνοντας στενη̃ς τη̃ς προσβάσεως οὔσης ἐπ' ἄνδρας τοὺς πάντας δύο

⁸καὶ ἐποίησαν οἱ υἱοὶ Ισραηλ καθὰ συνέταξεν αὐτοι̃ς Ιωακιμ ὁ ἱερεὺς ὁ μέγας καὶ ἡ γερουσία παντὸς δήμου Ισραηλ οἳ ἐκάθηντο ἐν Ιερουσαλημ

⁹καὶ ἀνεβόησαν πα̃ς ἀνὴρ Ισραηλ πρὸς τὸν θεὸν ἐν ἐκτενεία̨ μεγάλη̨ καὶ ἐταπείνωσαν τὰς ψυχὰς αὐτω̃ν ἐν ἐκτενεία̨ μεγάλη̨

¹⁰αὐτοὶ καὶ αἱ γυναι̃κες αὐτω̃ν καὶ τὰ νήπια αὐτω̃ν καὶ τὰ κτήνη αὐτω̃ν καὶ πα̃ς πάροικος καὶ μισθωτὸς καὶ ἀργυρώνητος αὐτω̃ν ἐπέθεντο σάκκους ἐπὶ τὰς ὀσφύας αὐτω̃ν

¹¹καὶ πα̃ς ἀνὴρ Ισραηλ καὶ γυνὴ καὶ τὰ παιδία οἱ κατοικου̃ντες ἐν Ιερουσαλημ ἔπεσον κατὰ πρόσωπον του̃ ναου̃ καὶ ἐσποδώσαντο τὰς κεφαλὰς αὐτω̃ν καὶ ἐξέτειναν τοὺς σάκκους αὐτω̃ν κατὰ πρόσωπον κυρίου

¹²καὶ τὸ θυσιαστήριον σάκκω̨ περιέβαλον καὶ ἐβόησαν πρὸς τὸν θεὸν Ισραηλ ὁμοθυμαδὸν ἐκτενω̃ς του̃ μὴ δου̃ναι εἰς διαρπαγὴν τὰ νήπια αὐτω̃ν καὶ τὰς γυναι̃κας εἰς προνομὴν καὶ τὰς πόλεις τη̃ς κληρονομίας αὐτω̃ν εἰς ἀφανισμὸν καὶ τὰ ἅγια εἰς βεβήλωσιν καὶ ὀνειδισμὸν ἐπίχαρμα τοι̃ς ἔθνεσιν

¹³καὶ εἰσήκουσεν κύριος τη̃ς φωνη̃ς αὐτω̃ν καὶ εἰσει̃δεν τὴν θλι̃ψιν αὐτω̃ν καὶ ἠ̃ν ὁ λαὸς νηστεύων ἡμέρας πλείους ἐν πάση̨ τη̨̃ Ιουδαία̨ καὶ Ιερουσαλημ κατὰ πρόσωπον τω̃ν ἁγίων κυρίου παντοκράτορος

¹⁴καὶ Ιωακιμ ὁ ἱερεὺς ὁ μέγας καὶ πάντες οἱ παρεστηκότες ἐνώπιον κυρίου ἱερει̃ς καὶ οἱ λειτουργου̃ντες κυρίω̨ σάκκους περιεζωσμένοι τὰς ὀσφύας αὐτω̃ν προσέφερον τὴν ὁλοκαύτωσιν του̃ ἐνδελεχισμου̃ καὶ τὰς εὐχὰς καὶ τὰ ἑκούσια δόματα του̃ λαου̃

¹⁵καὶ ἠ̃ν σποδὸς ἐπὶ τὰς κιδάρεις αὐτω̃ν καὶ ἐβόων πρὸς κύριον ἐκ πάσης δυνάμεως εἰς ἀγαθὸν ἐπισκέψασθαι πα̃ν οἰ̃κον Ισραηλ

Pour que les textes en grec s’affichent correctement, il est préférable d’installer la police Lucida Sans Unicode. De même, pour les textes en slavon ancien, installez la police Hirmos. Si votre navigateur prend en charge CSS3, les polices s’afficheront automatiquement.


	Après votre inscription, vous pourrez vous abonner à l’envoi des textes de n’importe quel plan de lecture de la Bible. Nous prévoyons d’ajouter progressivement des paramètres personnalisés ainsi que d’autres services pour les utilisateurs inscrits. Nous vous conseillons donc de vous inscrire dès maintenant. C’est gratuit.