ΜΑΚΚΑΒΑΊΩΝ Β, κεφαλίς 4: BIBLE, Grec / Septante == BIBLE-CENTRE

ΜΑΚΚΑΒΑΊΩΝ Β, κεφαλίς 4

¹ὁ δὲ προειρημένος Σιμων ὁ τω̃ν χρημάτων καὶ τη̃ς πατρίδος ἐνδείκτης γεγονὼς ἐκακολόγει τὸν Ονιαν ὡς αὐτός τε εἴη τὸν 'Ηλιόδωρον ἐπισεσεικὼς καὶ τω̃ν κακω̃ν δημιουργὸς καθεστηκώς

²καὶ τὸν εὐεργέτην τη̃ς πόλεως καὶ τὸν κηδεμόνα τω̃ν ὁμοεθνω̃ν καὶ ζηλωτὴν τω̃ν νόμων ἐπίβουλον τω̃ν πραγμάτων ἐτόλμα λέγειν

³τη̃ς δὲ ἔχθρας ἐπὶ τοσου̃τον προβαινούσης ὥστε καὶ διά τινος τω̃ν ὑπὸ του̃ Σιμωνος δεδοκιμασμένων φόνους συντελει̃σθαι

⁴συνορω̃ν ὁ Ονιας τὸ χαλεπὸν τη̃ς φιλονεικίας καὶ 'Απολλώνιον Μενεσθέως τὸν Κοίλης Συρίας καὶ Φοινίκης στρατηγὸν συναύξοντα τὴν κακίαν του̃ Σιμωνος

⁵πρὸς τὸν βασιλέα διεκομίσθη οὐ γινόμενος τω̃ν πολιτω̃ν κατήγορος τὸ δὲ σύμφορον κοινη̨̃ καὶ κατ' ἰδίαν παντὶ τω̨̃ πλήθει σκοπω̃ν

⁶ἑώρα γὰρ ἄνευ βασιλικη̃ς προνοίας ἀδύνατον εἰ̃ναι τυχει̃ν εἰρήνης ἔτι τὰ πράγματα καὶ τὸν Σιμωνα παυ̃λαν οὐ λημψόμενον τη̃ς ἀνοίας

⁷μεταλλάξαντος δὲ τὸν βίον Σελεύκου καὶ παραλαβόντος τὴν βασιλείαν 'Αντιόχου του̃ προσαγορευθέντος 'Επιφανου̃ς ὑπενόθευσεν 'Ιάσων ὁ ἀδελφὸς Ονιου τὴν ἀρχιερωσύνην

⁸ἐπαγγειλάμενος τω̨̃ βασιλει̃ δι' ἐντεύξεως ἀργυρίου τάλαντα ἑξήκοντα πρὸς τοι̃ς τριακοσίοις καὶ προσόδου τινὸς ἄλλης τάλαντα ὀγδοήκοντα

⁹πρὸς δὲ τούτοις ὑπισχνει̃το καὶ ἕτερα διαγράφειν πεντήκοντα πρὸς τοι̃ς ἑκατόν ἐὰν ἐπιχωρηθη̨̃ διὰ τη̃ς ἐξουσίας αὐτου̃ γυμνάσιον καὶ ἐφηβει̃ον αὐτω̨̃ συστήσασθαι καὶ τοὺς ἐν Ιεροσολύμοις 'Αντιοχει̃ς ἀναγράψαι

¹⁰ἐπινεύσαντος δὲ του̃ βασιλέως καὶ τη̃ς ἀρχη̃ς κρατήσας εὐθέως πρὸς τὸν 'Ελληνικὸν χαρακτη̃ρα τοὺς ὁμοφύλους μετέστησε

¹¹καὶ τὰ κείμενα τοι̃ς Ιουδαίοις φιλάνθρωπα βασιλικὰ διὰ Ιωάννου του̃ πατρὸς Εὐπολέμου του̃ ποιησαμένου τὴν πρεσβείαν ὑπὲρ φιλίας καὶ συμμαχίας πρὸς τοὺς 'Ρωμαίους παρώσας καὶ τὰς μὲν νομίμους καταλύων πολιτείας παρανόμους ἐθισμοὺς ἐκαίνιζεν

¹²ἀσμένως γὰρ ὑπ' αὐτὴν τὴν ἀκρόπολιν γυμνάσιον καθίδρυσεν καὶ τοὺς κρατίστους τω̃ν ἐφήβων ὑποτάσσων ὑπὸ πέτασον ἤγαγεν

¹³ἠ̃ν δ' οὕτως ἀκμή τις 'Ελληνισμου̃ καὶ πρόσβασις ἀλλοφυλισμου̃ διὰ τὴν του̃ ἀσεβου̃ς καὶ οὐκ ἀρχιερέως 'Ιάσωνος ὑπερβάλλουσαν ἀναγνείαν

¹⁴ὥστε μηκέτι περὶ τὰς του̃ θυσιαστηρίου λειτουργίας προθύμους εἰ̃ναι τοὺς ἱερει̃ς ἀλλὰ του̃ μὲν νεὼ καταφρονου̃ντες καὶ τω̃ν θυσιω̃ν ἀμελου̃ντες ἔσπευδον μετέχειν τη̃ς ἐν παλαίστρη̨ παρανόμου χορηγίας μετὰ τὴν του̃ δίσκου πρόσκλησιν

¹⁵καὶ τὰς μὲν πατρώ̨ους τιμὰς ἐν οὐδενὶ τιθέμενοι τὰς δὲ 'Ελληνικὰς δόξας καλλίστας ἡγούμενοι

¹⁶ὡ̃ν καὶ χάριν περιέσχεν αὐτοὺς χαλεπὴ περίστασις καὶ ὡ̃ν ἐζήλουν τὰς ἀγωγὰς καὶ καθ' ἅπαν ἤθελον ἐξομοιου̃σθαι τούτους πολεμίους καὶ τιμωρητὰς ἔσχον

¹⁷ἀσεβει̃ν γὰρ εἰς τοὺς θείους νόμους οὐ ῥά̨διον ἀλλὰ ταυ̃τα ὁ ἀκόλουθος καιρὸς δηλώσει

¹⁸ἀγομένου δὲ πενταετηρικου̃ ἀγω̃νος ἐν Τύρω̨ καὶ του̃ βασιλέως παρόντος

¹⁹ἀπέστειλεν 'Ιάσων ὁ μιαρὸς θεωροὺς ὡς ἀπὸ Ιεροσολύμων 'Αντιοχει̃ς ὄντας παρακομίζοντας ἀργυρίου δραχμὰς τριακοσίας εἰς τὴν του̃ 'Ηρακλέους θυσίαν ἃς καὶ ἠξίωσαν οἱ παρακομίσαντες μὴ χρη̃σθαι εἰς θυσίαν διὰ τὸ μὴ καθήκειν εἰς ἑτέραν δὲ καταθέσθαι δαπάνην

²⁰ἔπεσε μὲν οὐ̃ν ταυ̃τα διὰ μὲν τὸν ἀποστείλαντα εἰς τὴν του̃ 'Ηρακλέους θυσίαν ἕνεκεν δὲ τω̃ν παρακομιζόντων εἰς τὰς τω̃ν τριηρέων κατασκευάς

²¹ἀποσταλέντος δὲ εἰς Αἴγυπτον 'Απολλωνίου του̃ Μενεσθέως διὰ τὰ πρωτοκλίσια του̃ Φιλομήτορος βασιλέως μεταλαβὼν 'Αντίοχος ἀλλότριον αὐτὸν τω̃ν αὐτου̃ γεγονέναι πραγμάτων τη̃ς καθ' αὑτὸν ἀσφαλείας ἐφρόντιζεν ὅθεν εἰς Ιοππην παραγενόμενος κατήντησεν εἰς Ιεροσόλυμα

²²μεγαλομερω̃ς δὲ ὑπὸ του̃ 'Ιάσωνος καὶ τη̃ς πόλεως ἀποδεχθεὶς μετὰ δα̨δουχίας καὶ βοω̃ν εἰσεδέχθη εἰ̃θ' οὕτως εἰς τὴν Φοινίκην κατεστρατοπέδευσεν

²³μετὰ δὲ τριετη̃ χρόνον ἀπέστειλεν 'Ιάσων Μενέλαον τὸν του̃ προσημαινομένου Σιμωνος ἀδελφὸν παρακομίζοντα τὰ χρήματα τω̨̃ βασιλει̃ καὶ περὶ πραγμάτων ἀναγκαίων ὑπομνηματισμοὺς τελέσοντα

²⁴ὁ δὲ συσταθεὶς τω̨̃ βασιλει̃ καὶ δοξάσας αὐτὸν τω̨̃ προσώπω̨ τη̃ς ἐξουσίας εἰς ἑαυτὸν κατήντησεν τὴν ἀρχιερωσύνην ὑπερβαλὼν τὸν 'Ιάσωνα τάλαντα ἀργυρίου τριακόσια

²⁵λαβὼν δὲ τὰς βασιλικὰς ἐντολὰς παρεγένετο τη̃ς μὲν ἀρχιερωσύνης οὐδὲν ἄξιον φέρων θυμοὺς δὲ ὠμου̃ τυράννου καὶ θηρὸς βαρβάρου ὀργὰς ἔχων

²⁶καὶ ὁ μὲν 'Ιάσων ὁ τὸν ἴδιον ἀδελφὸν ὑπονοθεύσας ὑπονοθευθεὶς ὑφ' ἑτέρου φυγὰς εἰς τὴν Αμμανι̃τιν χώραν συνήλαστο

²⁷ὁ δὲ Μενέλαος τη̃ς μὲν ἀρχη̃ς ἐκράτει τω̃ν δὲ ἐπηγγελμένων τω̨̃ βασιλει̃ χρημάτων οὐδὲν εὐτάκτει

²⁸ποιουμένου δὲ τὴν ἀπαίτησιν Σωστράτου του̃ τη̃ς ἀκροπόλεως ἐπάρχου πρὸς του̃τον γὰρ ἠ̃ν ἡ τω̃ν διαφόρων πρα̃ξις δι' ἣν αἰτίαν οἱ δύο ὑπὸ του̃ βασιλέως προσεκλήθησαν

²⁹καὶ ὁ μὲν Μενέλαος ἀπέλιπεν τη̃ς ἀρχιερωσύνης διάδοχον Λυσίμαχον τὸν ἑαυτου̃ ἀδελφόν Σώστρατος δὲ Κράτητα τὸν ἐπὶ τω̃ν Κυπρίων

³⁰τοιούτων δὲ συνεστηκότων συνέβη Ταρσει̃ς καὶ Μαλλώτας στασιάζειν διὰ τὸ 'Αντιοχίδι τη̨̃ παλλακη̨̃ του̃ βασιλέως ἐν δωρεα̨̃ δεδόσθαι

³¹θα̃ττον οὐ̃ν ὁ βασιλεὺς ἡ̃κεν καταστει̃λαι τὰ πράγματα καταλιπὼν τὸν διαδεχόμενον 'Ανδρόνικον τω̃ν ἐν ἀξιώματι κειμένων

³²νομίσας δὲ ὁ Μενέλαος εἰληφέναι καιρὸν εὐφυη̃ χρυσώματά τινα τω̃ν του̃ ἱερου̃ νοσφισάμενος ἐχαρίσατο τω̨̃ 'Ανδρονίκω̨ καὶ ἕτερα ἐτύγχανεν πεπρακὼς εἴς τε Τύρον καὶ τὰς κύκλω̨ πόλεις

³³ἃ καὶ σαφω̃ς ἐπεγνωκὼς ὁ Ονιας ἀπήλεγχεν ἀποκεχωρηκὼς εἰς ἄσυλον τόπον ἐπὶ Δάφνης τη̃ς πρὸς 'Αντιόχειαν κειμένης

³⁴ὅθεν ὁ Μενέλαος λαβὼν ἰδία̨ τὸν 'Ανδρόνικον παρεκάλει χειρώσασθαι τὸν Ονιαν ὁ δὲ παραγενόμενος ἐπὶ τὸν Ονιαν καὶ πεισθεὶς ἐπὶ δόλω̨ καὶ δεξιασθεὶς μεθ' ὅρκων δοὺς δεξιάν καίπερ ἐν ὑποψία̨ κείμενος ἔπεισεν ἐκ του̃ ἀσύλου προελθει̃ν ὃν καὶ παραχρη̃μα παρέκλεισεν οὐκ αἰδεσθεὶς τὸ δίκαιον

³⁵δι' ἣν αἰτίαν οὐ μόνον Ιουδαι̃οι πολλοὶ δὲ καὶ τω̃ν ἄλλων ἐθνω̃ν ἐδείναζον καὶ ἐδυσφόρουν ἐπὶ τω̨̃ του̃ ἀνδρὸς ἀδίκω̨ φόνω̨

³⁶του̃ δὲ βασιλέως ἐπανελθόντος ἀπὸ τω̃ν κατὰ Κιλικίαν τόπων ἐνετύγχανον οἱ κατὰ πόλιν Ιουδαι̃οι συμμισοπονηρούντων καὶ τω̃ν 'Ελλήνων ὑπὲρ του̃ παρὰ λόγον τὸν Ονιαν ἀπεκτονη̃σθαι

³⁷ψυχικω̃ς οὐ̃ν ὁ 'Αντίοχος ἐπιλυπηθεὶς καὶ τραπεὶς ἐπὶ ἔλεος καὶ δακρύσας διὰ τὴν του̃ μετηλλαχότος σωφροσύνην καὶ πολλὴν εὐταξίαν

³⁸καὶ πυρωθεὶς τοι̃ς θυμοι̃ς παραχρη̃μα τὴν του̃ 'Ανδρονίκου πορφύραν περιελόμενος καὶ τοὺς χιτω̃νας περιρρήξας περιαγαγὼν καθ' ὅλην τὴν πόλιν ἐπ' αὐτὸν τὸν τόπον οὑ̃περ τὸν Ονιαν ἠσέβησεν ἐκει̃ τὸν μιαιφόνον ἀπεκόσμησεν του̃ κυρίου τὴν ἀξίαν αὐτω̨̃ κόλασιν ἀποδόντος

³⁹γενομένων δὲ πολλω̃ν ἱεροσυλημάτων κατὰ τὴν πόλιν ὑπὸ του̃ Λυσιμάχου μετὰ τη̃ς του̃ Μενελάου γνώμης καὶ διαδοθείσης ἔξω τη̃ς φήμης ἐπισυνήχθη τὸ πλη̃θος ἐπὶ τὸν Λυσίμαχον χρυσωμάτων ἤδη πολλω̃ν διενηνεγμένων

⁴⁰ἐπεγειρομένων δὲ τω̃ν ὄχλων καὶ ται̃ς ὀργαι̃ς διεμπιπλαμένων καθοπλίσας ὁ Λυσίμαχος πρὸς τρισχιλίους κατήρξατο χειρω̃ν ἀδίκων προηγησαμένου τινὸς Αυρανου προβεβηκότος τὴν ἡλικίαν οὐδὲν δὲ ἡ̃ττον καὶ τὴν ἄνοιαν

⁴¹συνιδόντες δὲ καὶ τὴν ἐπίθεσιν του̃ Λυσιμάχου συναρπάσαντες οἱ μὲν πέτρους οἱ δὲ ξύλων πάχη τινὲς δὲ ἐκ τη̃ς παρακειμένης σποδου̃ δρασσόμενοι φύρδην ἐνετίνασσον εἰς τοὺς περὶ τὸν Λυσίμαχον

⁴²δι' ἣν αἰτίαν πολλοὺς μὲν αὐτω̃ν τραυματίας ἐποίησαν τινὰς δὲ καὶ κατέβαλον πάντας δὲ εἰς φυγὴν συνήλασαν αὐτὸν δὲ τὸν ἱερόσυλον παρὰ τὸ γαζοφυλάκιον ἐχειρώσαντο

⁴³περὶ δὲ τούτων ἐνέστη κρίσις πρὸς τὸν Μενέλαον

⁴⁴καταντήσαντος δὲ του̃ βασιλέως εἰς Τύρον ἐπ' αὐτου̃ τὴν δικαιολογίαν ἐποιήσαντο οἱ πεμφθέντες τρει̃ς ἄνδρες ὑπὸ τη̃ς γερουσίας

⁴⁵ἤδη δὲ λελειμμένος ὁ Μενέλαος ἐπηγγείλατο χρήματα ἱκανὰ τω̨̃ Πτολεμαίω̨ Δορυμένους πρὸς τὸ πει̃σαι τὸν βασιλέα

⁴⁶ὅθεν ἀπολαβὼν ὁ Πτολεμαι̃ος εἴς τι περίστυλον ὡς ἀναψύξοντα τὸν βασιλέα μετέθηκεν

⁴⁷καὶ τὸν μὲν τη̃ς ὅλης κακίας αἴτιον Μενέλαον ἀπέλυσεν τω̃ν κατηγορημένων τοι̃ς δὲ ταλαιπώροις οἵτινες εἰ καὶ ἐπὶ Σκυθω̃ν ἔλεγον ἀπελύθησαν ἀκατάγνωστοι τούτοις θάνατον ἐπέκρινεν

⁴⁸ταχέως οὐ̃ν τὴν ἄδικον ζημίαν ὑπέσχον οἱ περὶ πόλεως καὶ δήμων καὶ τω̃ν ἱερω̃ν σκευω̃ν προηγορήσαντες

⁴⁹δι' ἣν αἰτίαν καὶ Τύριοι μισοπονηρήσαντες τὰ πρὸς τὴν κηδείαν αὐτω̃ν μεγαλοπρεπω̃ς ἐχορήγησαν

⁵⁰ὁ δὲ Μενέλαος διὰ τὰς τω̃ν κρατούντων πλεονεξίας ἔμενεν ἐπὶ τη̨̃ ἀρχη̨̃ ἐπιφυόμενος τη̨̃ κακία̨ μέγας τω̃ν πολιτω̃ν ἐπίβουλος καθεστώς

Pour que les textes en grec s’affichent correctement, il est préférable d’installer la police Lucida Sans Unicode. De même, pour les textes en slavon ancien, installez la police Hirmos. Si votre navigateur prend en charge CSS3, les polices s’afficheront automatiquement.


	Après votre inscription, vous pourrez vous abonner à l’envoi des textes de n’importe quel plan de lecture de la Bible. Nous prévoyons d’ajouter progressivement des paramètres personnalisés ainsi que d’autres services pour les utilisateurs inscrits. Nous vous conseillons donc de vous inscrire dès maintenant. C’est gratuit.