ΜΑΚΚΑΒΑΊΩΝ Β, κεφαλίς 5: BIBLE, Grec / Septante == BIBLE-CENTRE

ΜΑΚΚΑΒΑΊΩΝ Β, κεφαλίς 5

¹περὶ δὲ τὸν καιρὸν του̃τον τὴν δευτέραν ἔφοδον ὁ 'Αντίοχος εἰς Αἴγυπτον ἐστείλατο

²συνέβη δὲ καθ' ὅλην τὴν πόλιν σχεδὸν ἐφ' ἡμέρας τεσσαράκοντα φαίνεσθαι διὰ τω̃ν ἀέρων τρέχοντας ἱππει̃ς διαχρύσους στολὰς ἔχοντας καὶ λόγχας σπειρηδὸν ἐξωπλισμένους καὶ μαχαιρω̃ν σπασμοὺς

³καὶ ἴλας ἵππων διατεταγμένας καὶ προσβολὰς γινομένας καὶ καταδρομὰς ἑκατέρων καὶ ἀσπίδων κινήσεις καὶ καμάκων πλήθη καὶ βελω̃ν βολὰς καὶ χρυσέων κόσμων ἐκλάμψεις καὶ παντοίους θωρακισμούς

⁴διὸ πάντες ἠξίουν ἐπ' ἀγαθω̨̃ τὴν ἐπιφάνειαν γεγενη̃σθαι

⁵γενομένης δὲ λαλια̃ς ψευδου̃ς ὡς μετηλλαχότος 'Αντιόχου τὸν βίον παραλαβὼν ὁ 'Ιάσων οὐκ ἐλάττους τω̃ν χιλίων αἰφνιδίως ἐπὶ τὴν πόλιν συνετελέσατο ἐπίθεσιν τω̃ν δὲ ἐπὶ τω̨̃ τείχει συνελασθέντων καὶ τέλος ἤδη καταλαμβανομένης τη̃ς πόλεως ὁ Μενέλαος εἰς τὴν ἀκρόπολιν ἐφυγάδευσεν

⁶ὁ δὲ 'Ιάσων ἐποιει̃το σφαγὰς τω̃ν πολιτω̃ν τω̃ν ἰδίων ἀφειδω̃ς οὐ συννοω̃ν τὴν εἰς τοὺς συγγενει̃ς εὐημερίαν δυσημερίαν εἰ̃ναι τὴν μεγίστην δοκω̃ν δὲ πολεμίων καὶ οὐχ ὁμοεθνω̃ν τρόπαια καταβάλλεσθαι

⁷τη̃ς μὲν ἀρχη̃ς οὐκ ἐκράτησεν τὸ δὲ τέλος τη̃ς ἐπιβουλη̃ς αἰσχύνην λαβὼν φυγὰς πάλιν εἰς τὴν Αμμανι̃τιν ἀπη̃λθεν

⁸πέρας οὐ̃ν κακη̃ς καταστροφη̃ς ἔτυχεν ἐγκληθεὶς πρὸς 'Αρέταν τὸν τω̃ν 'Αράβων τύραννον πόλιν ἐκ πόλεως φεύγων διωκόμενος ὑπὸ πάντων στυγούμενος ὡς τω̃ν νόμων ἀποστάτης καὶ βδελυσσόμενος ὡς πατρίδος καὶ πολιτω̃ν δήμιος εἰς Αἴγυπτον ἐξεβράσθη

⁹καὶ ὁ συχνοὺς τη̃ς πατρίδος ἀποξενώσας ἐπὶ ξένης ἀπώλετο πρὸς Λακεδαιμονίους ἀναχθεὶς ὡς διὰ τὴν συγγένειαν τευξόμενος σκέπης

¹⁰καὶ ὁ πλη̃θος ἀτάφων ἐκρίψας ἀπένθητος ἐγενήθη καὶ κηδείας οὐδ' ἡστινοσου̃ν οὔτε πατρώ̨ου τάφου μετέσχεν

¹¹προσπεσόντων δὲ τω̨̃ βασιλει̃ περὶ τω̃ν γεγονότων διέλαβεν ἀποστατει̃ν τὴν Ιουδαίαν ὅθεν ἀναζεύξας ἐξ Αἰγύπτου τεθηριωμένος τη̨̃ ψυχη̨̃ ἔλαβεν τὴν μὲν πόλιν δοριάλωτον

¹²καὶ ἐκέλευσεν τοι̃ς στρατιώταις κόπτειν ἀφειδω̃ς τοὺς ἐμπίπτοντας καὶ τοὺς εἰς τὰς οἰκίας ἀναβαίνοντας κατασφάζειν

¹³ἐγίνετο δὲ νέων καὶ πρεσβυτέρων ἀναίρεσις ἀνήβων τε καὶ γυναικω̃ν καὶ τέκνων ἀφανισμός παρθένων τε καὶ νηπίων σφαγαί

¹⁴ὀκτὼ δὲ μυριάδες ἐν ται̃ς πάσαις ἡμέραις τρισὶν κατεφθάρησαν τέσσαρες μὲν ἐν χειρω̃ν νομαι̃ς οὐχ ἡ̃ττον δὲ τω̃ν ἐσφαγμένων ἐπράθησαν

¹⁵οὐκ ἀρκεσθεὶς δὲ τούτοις κατετόλμησεν εἰς τὸ πάσης τη̃ς γη̃ς ἁγιώτατον ἱερὸν εἰσελθει̃ν ὁδηγὸν ἔχων τὸν Μενέλαον τὸν καὶ τω̃ν νόμων καὶ τη̃ς πατρίδος προδότην γεγονότα

¹⁶καὶ ται̃ς μιαραι̃ς χερσὶν τὰ ἱερὰ σκεύη λαμβάνων καὶ τὰ ὑπ' ἄλλων βασιλέων ἀνατεθέντα πρὸς αὔξησιν καὶ δόξαν του̃ τόπου καὶ τιμὴν ται̃ς βεβήλοις χερσὶν συσσύρων

¹⁷καὶ ἐμετεωρίζετο τὴν διάνοιαν ὁ 'Αντίοχος οὐ συνορω̃ν ὅτι διὰ τὰς ἁμαρτίας τω̃ν τὴν πόλιν οἰκούντων ἀπώργισται βραχέως ὁ δεσπότης διὸ γέγονεν περὶ τὸν τόπον παρόρασις

¹⁸εἰ δὲ μὴ συνέβη προσενέχεσθαι πολλοι̃ς ἁμαρτήμασιν καθάπερ ἠ̃ν ὁ 'Ηλιόδωρος ὁ πεμφθεὶς ὑπὸ Σελεύκου του̃ βασιλέως ἐπὶ τὴν ἐπίσκεψιν του̃ γαζοφυλακίου οὑ̃τος προαχθεὶς παραχρη̃μα μαστιγωθεὶς ἀνετράπη του̃ θράσους

¹⁹ἀλλ' οὐ διὰ τὸν τόπον τὸ ἔθνος ἀλλὰ διὰ τὸ ἔθνος τὸν τόπον ὁ κύριος ἐξελέξατο

²⁰διόπερ καὶ αὐτὸς ὁ τόπος συμμετασχὼν τω̃ν του̃ ἔθνους δυσπετημάτων γενομένων ὕστερον εὐεργετημάτων ἐκοινώνησεν καὶ ὁ καταλειφθεὶς ἐν τη̨̃ του̃ παντοκράτορος ὀργη̨̃ πάλιν ἐν τη̨̃ του̃ μεγάλου δεσπότου καταλλαγη̨̃ μετὰ πάσης δόξης ἐπανωρθώθη

²¹ὁ γου̃ν 'Αντίοχος ὀκτακόσια πρὸς τοι̃ς χιλίοις ἀπενεγκάμενος ἐκ του̃ ἱερου̃ τάλαντα θα̃ττον εἰς τὴν 'Αντιόχειαν ἐχωρίσθη οἰόμενος ἀπὸ τη̃ς ὑπερηφανίας τὴν μὲν γη̃ν πλωτὴν καὶ τὸ πέλαγος πορευτὸν θέσθαι διὰ τὸν μετεωρισμὸν τη̃ς καρδίας

²²κατέλιπεν δὲ καὶ ἐπιστάτας του̃ κακου̃ν τὸ γένος ἐν μὲν Ιεροσολύμοις Φίλιππον τὸ μὲν γένος Φρύγα τὸν δὲ τρόπον βαρβαρώτερον ἔχοντα του̃ καταστήσαντος

²³ἐν δὲ Γαριζιν 'Ανδρόνικον πρὸς δὲ τούτοις Μενέλαον ὃς χείριστα τω̃ν ἄλλων ὑπερή̨ρετο τοι̃ς πολίταις ἀπεχθη̃ δὲ πρὸς τοὺς πολίτας Ιουδαίους ἔχων διάθεσιν

²⁴ἔπεμψεν δὲ τὸν Μυσάρχην 'Απολλώνιον μετὰ στρατεύματος δισμυρίους δὲ πρὸς τοι̃ς δισχιλίοις προστάξας τοὺς ἐν ἡλικία̨ πάντας κατασφάξαι τὰς δὲ γυναι̃κας καὶ τοὺς νεωτέρους πωλει̃ν

²⁵οὑ̃τος δὲ παραγενόμενος εἰς Ιεροσόλυμα καὶ τὸν εἰρηνικὸν ὑποκριθεὶς ἐπέσχεν ἕως τη̃ς ἁγίας ἡμέρας του̃ σαββάτου καὶ λαβὼν ἀργου̃ντας τοὺς Ιουδαίους τοι̃ς ὑφ' ἑαυτὸν ἐξοπλησίαν παρήγγειλεν

²⁶καὶ τοὺς ἐξελθόντας πάντας ἐπὶ τὴν θεωρίαν συνεξεκέντησεν καὶ εἰς τὴν πόλιν σὺν τοι̃ς ὅπλοις εἰσδραμὼν ἱκανὰ κατέστρωσεν πλήθη

²⁷Ιουδας δὲ ὁ καὶ Μακκαβαι̃ος δέκατός που γενηθεὶς καὶ ἀναχωρήσας εἰς τὴν ἔρημον θηρίων τρόπον ἐν τοι̃ς ὄρεσιν διέζη σὺν τοι̃ς μετ' αὐτου̃ καὶ τὴν χορτώδη τροφὴν σιτούμενοι διετέλουν πρὸς τὸ μὴ μετασχει̃ν του̃ μολυσμου̃

Pour que les textes en grec s’affichent correctement, il est préférable d’installer la police Lucida Sans Unicode. De même, pour les textes en slavon ancien, installez la police Hirmos. Si votre navigateur prend en charge CSS3, les polices s’afficheront automatiquement.


	Après votre inscription, vous pourrez vous abonner à l’envoi des textes de n’importe quel plan de lecture de la Bible. Nous prévoyons d’ajouter progressivement des paramètres personnalisés ainsi que d’autres services pour les utilisateurs inscrits. Nous vous conseillons donc de vous inscrire dès maintenant. C’est gratuit.