1 Та́кѡ гл҃етъ гдⷭ҇ь: нб҃о прⷭ҇то́лъ мо́й, землѧ́ же
подно́жїе ногꙋ̀ моє́ю: кі́й до́мъ сози́ждете мѝ,
и҆ ко́е мѣ́сто поко́ища моегѡ̀;
|
2 Всѧ̑ бо сїѧ̑ сотворѝ рꙋка̀ моѧ̀, и҆ сїѧ̑ сꙋ́ть
всѧ̑ моѧ̑, гл҃етъ гдⷭ҇ь. И҆ на кого̀ воззрю̀, то́кмѡ
на кро́ткаго и҆ молчали́ваго и҆ трепе́щꙋщаго слове́съ
мои́хъ;
|
3 Беззако́нникъ же жрѧ́й мѝ тельца̀, ꙗ҆́кѡ ᲂу҆бива́ѧй
пса̀: и҆ приносѧ́й семїда́лъ, ꙗ҆́кѡ кро́вь свинꙋ́ю:
даѧ́й лїва́нъ въ па́мѧть, а҆́ки хꙋ́льникъ. И҆ ті́и
и҆збра́ша пꙋти̑ своѧ̑, и҆ ме́рзѡсти и҆́хъ, ꙗ҆̀же дꙋша̀
и҆́хъ и҆зво́ли.
|
4 И҆ а҆́зъ и҆зберꙋ̀ порꙋга̑нїѧ и҆́хъ и҆ грѣхѝ и҆́хъ
возда́мъ и҆̀мъ: ꙗ҆́кѡ зва́хъ и҆̀хъ, и҆ не послꙋ́шаша
менѐ, гл҃ахъ, и҆ преслꙋ́шаша и҆ сотвори́ша ѕло́е предо
мно́ю, и҆ ꙗ҆̀же не хотѣ́хъ, и҆збра́ша.
|