ΤΩΒΊΤ, κεφαλίς 13: BIBLE, Grec / Septante == BIBLE-CENTRE

ΤΩΒΊΤ, κεφαλίς 13

¹καὶ Τωβιτ ἔγραψεν προσευχὴν εἰς ἀγαλλίασιν καὶ εἰ̃πεν

²εὐλογητὸς ὁ θεὸς ὁ ζω̃ν εἰς τοὺς αἰω̃νας καὶ ἡ βασιλεία αὐτου̃ ὅτι αὐτὸς μαστιγοι̃ καὶ ἐλεα̨̃ κατάγει εἰς ἅ̨δην καὶ ἀνάγει καὶ οὐκ ἔστιν ὃς ἐκφεύξεται τὴν χει̃ρα αὐτου̃

³ἐξομολογει̃σθε αὐτω̨̃ οἱ υἱοὶ Ισραηλ ἐνώπιον τω̃ν ἐθνω̃ν ὅτι αὐτὸς διέσπειρεν ἡμα̃ς ἐν αὐτοι̃ς

⁴ἐκει̃ ὑποδείξατε τὴν μεγαλωσύνην αὐτου̃ ὑψου̃τε αὐτὸν ἐνώπιον παντὸς ζω̃ντος καθότι αὐτὸς κύριος ἡμω̃ν καὶ θεός αὐτὸς πατὴρ ἡμω̃ν εἰς πάντας τοὺς αἰω̃νας

⁵καὶ μαστιγώσει ἡμα̃ς ἐν ται̃ς ἀδικίαις ἡμω̃ν καὶ πάλιν ἐλεήσει καὶ συνάξει ἡμα̃ς ἐκ πάντων τω̃ν ἐθνω̃ν οὑ̃ ἐὰν σκορπισθη̃τε ἐν αὐτοι̃ς

⁶ἐὰν ἐπιστρέψητε πρὸς αὐτὸν ἐν ὅλη̨ καρδία̨ ὑμω̃ν καὶ ἐν ὅλη̨ τη̨̃ ψυχη̨̃ ποιη̃σαι ἐνώπιον αὐτου̃ ἀλήθειαν τότε ἐπιστρέψει πρὸς ὑμα̃ς καὶ οὐ μὴ κρύψη̨ τὸ πρόσωπον αὐτου̃ ἀφ' ὑμω̃ν

⁷καὶ θεάσασθε ἃ ποιήσει μεθ' ὑμω̃ν καὶ ἐξομολογήσασθε αὐτω̨̃ ἐν ὅλω̨ τω̨̃ στόματι ὑμω̃ν καὶ εὐλογήσατε τὸν κύριον τη̃ς δικαιοσύνης καὶ ὑψώσατε τὸν βασιλέα τω̃ν αἰώνων

⁸ἐγὼ ἐν τη̨̃ γη̨̃ τη̃ς αἰχμαλωσίας μου ἐξομολογου̃μαι αὐτω̨̃ καὶ δεικνύω τὴν ἰσχὺν καὶ τὴν μεγαλωσύνην αὐτου̃ ἔθνει ἁμαρτωλω̃ν ἐπιστρέψατε ἁμαρτωλοί καὶ ποιήσατε δικαιοσύνην ἐνώπιον αὐτου̃ τίς γινώσκει εἰ θελήσει ὑμα̃ς καὶ ποιήσει ἐλεημοσύνην ὑμι̃ν

⁹τὸν θεόν μου ὑψω̃ καὶ ἡ ψυχή μου τὸν βασιλέα του̃ οὐρανου̃ καὶ ἀγαλλιάσεται τὴν μεγαλωσύνην αὐτου̃

¹⁰λεγέτωσαν πάντες καὶ ἐξομολογείσθωσαν αὐτω̨̃ ἐν Ιεροσολύμοις Ιεροσόλυμα πόλις ἁγία μαστιγώσει ἐπὶ τὰ ἔργα τω̃ν υἱω̃ν σου καὶ πάλιν ἐλεήσει τοὺς υἱοὺς τω̃ν δικαίων

¹¹ἐξομολογου̃ τω̨̃ κυρίω̨ ἀγαθω̃ς καὶ εὐλόγει τὸν βασιλέα τω̃ν αἰώνων ἵνα πάλιν ἡ σκηνὴ αὐτου̃ οἰκοδομηθη̨̃ σοι μετὰ χαρα̃ς

¹²καὶ εὐφράναι ἐν σοὶ τοὺς αἰχμαλώτους καὶ ἀγαπήσαι ἐν σοὶ τοὺς ταλαιπώρους εἰς πάσας τὰς γενεὰς του̃ αἰω̃νος

¹³ἔθνη πολλὰ μακρόθεν ἥξει πρὸς τὸ ὄνομα κυρίου του̃ θεου̃ δω̃ρα ἐν χερσὶν ἔχοντες καὶ δω̃ρα τω̨̃ βασιλει̃ του̃ οὐρανου̃ γενεαὶ γενεω̃ν δώσουσίν σοι ἀγαλλίαμα

¹⁴ἐπικατάρατοι πάντες οἱ μισου̃ντές σε εὐλογημένοι ἔσονται πάντες οἱ ἀγαπω̃ντές σε εἰς τὸν αἰω̃να

¹⁵χάρηθι καὶ ἀγαλλίασαι ἐπὶ τοι̃ς υἱοι̃ς τω̃ν δικαίων ὅτι συναχθήσονται καὶ εὐλογήσουσιν τὸν κύριον τω̃ν δικαίων ὠ̃ μακάριοι οἱ ἀγαπω̃ντές σε χαρήσονται ἐπὶ τη̨̃ εἰρήνη̨ σου

¹⁶μακάριοι ὅσοι ἐλυπήθησαν ἐπὶ πάσαις ται̃ς μάστιξίν σου ὅτι ἐπὶ σοὶ χαρήσονται θεασάμενοι πα̃σαν τὴν δόξαν σου καὶ εὐφρανθήσονται εἰς τὸν αἰω̃να ἡ ψυχή μου εὐλογείτω τὸν θεὸν τὸν βασιλέα τὸν μέγαν

¹⁷ὅτι οἰκοδομηθήσεται Ιερουσαλημ σαπφείρω̨ καὶ σμαράγδω̨ καὶ λίθω̨ ἐντίμω̨ τὰ τείχη σου καὶ οἱ πύργοι καὶ οἱ προμαχω̃νες ἐν χρυσίω̨ καθαρω̨̃ καὶ αἱ πλατει̃αι Ιερουσαλημ βηρύλλω̨ καὶ ἄνθρακι καὶ λίθω̨ ἐκ Σουφιρ ψηφολογηθήσονται

¹⁸καὶ ἐρου̃σιν πα̃σαι αἱ ῥυ̃μαι αὐτη̃ς αλληλουια καὶ αἰνέσουσιν λέγοντες εὐλογητὸς ὁ θεός ὃς ὕψωσεν πάντας τοὺς αἰω̃νας

Pour que les textes en grec s’affichent correctement, il est préférable d’installer la police Lucida Sans Unicode. De même, pour les textes en slavon ancien, installez la police Hirmos. Si votre navigateur prend en charge CSS3, les polices s’afficheront automatiquement.


	Après votre inscription, vous pourrez vous abonner à l’envoi des textes de n’importe quel plan de lecture de la Bible. Nous prévoyons d’ajouter progressivement des paramètres personnalisés ainsi que d’autres services pour les utilisateurs inscrits. Nous vous conseillons donc de vous inscrire dès maintenant. C’est gratuit.