ΜΑΚΚΑΒΑΊΩΝ Γ, κεφαλίς 5: BIBLE, Grec / Septante == BIBLE-CENTRE

ΜΑΚΚΑΒΑΊΩΝ Γ, κεφαλίς 5

¹τότε προσκαλεσάμενος 'Έρμωνα τὸν πρὸς τη̨̃ τω̃ν ἐλεφάντων ἐπιμελεία̨ βαρεία̨ μεμεστωμένος ὀργη̨̃ καὶ χόλω̨ κατὰ πα̃ν ἀμετάθετος

²ἐκέλευσεν ὑπὸ τὴν ἐπερχομένην ἡμέραν δαψιλέσι δράκεσι λιβανωτου̃ καὶ οἴνω̨ πλείονι ἀκράτω̨ ἅπαντας τοὺς ἐλέφαντας ποτίσαι ὄντας τὸν ἀριθμὸν πεντακοσίους καὶ ἀγριωθέντας τη̨̃ του̃ πόματος ἀφθόνω̨ χορηγία̨ εἰσαγαγει̃ν πρὸς συνάντησιν του̃ μόρου τω̃ν Ιουδαίων

³ὁ μὲν τάδε προστάσσων ἐτρέπετο πρὸς τὴν εὐωχίαν συναγαγὼν τοὺς μάλιστα τω̃ν φίλων καὶ τη̃ς στρατια̃ς ἀπεχθω̃ς ἔχοντας πρὸς τοὺς Ιουδαίους

⁴ὁ δὲ ἐλεφαντάρχης τὸ προσταγὲν ἀραρότως 'Έρμων συνετέλει

⁵οἵ τε πρὸς τούτοις λειτουργοὶ κατὰ τὴν ἑσπέραν ἐξιόντες τὰς τω̃ν ταλαιπωρούντων ἐδέσμευον χει̃ρας τήν τε λοιπὴν ἐμηχανω̃ντο περὶ αὐτοὺς ἀσφάλειαν ἔννυχον δόξαντες ὁμου̃ λήμψεσθαι τὸ φυ̃λον πέρας τη̃ς ὀλεθρίας

⁶οἱ δὲ πάσης σκέπης ἔρημοι δοκου̃ντες εἰ̃ναι τοι̃ς ἔθνεσιν Ιουδαι̃οι διὰ τὴν πάντοθεν περιέχουσαν αὐτοὺς μετὰ δεσμω̃ν ἀνάγκην

⁷τὸν παντοκράτορα κύριον καὶ πάσης δυνάμεως δυναστεύοντα ἐλεήμονα θεὸν αὐτω̃ν καὶ πατέρα δυσκαταπαύστω̨ βοη̨̃ πάντες μετὰ δακρύων ἐπεκαλέσαντο δεόμενοι

⁸τὴν κατ' αὐτω̃ν μεταστρέψαι βουλὴν ἀνοσίαν καὶ ῥύσασθαι αὐτοὺς μετὰ μεγαλομερου̃ς ἐπιφανείας ἐκ του̃ παρὰ πόδας ἐν ἑτοίμω̨ μόρου

⁹τούτων μὲν οὐ̃ν ἐκτενω̃ς ἡ λιτανεία ἀνέβαινεν εἰς τὸν οὐρανόν

¹⁰ὁ δὲ 'Έρμων τοὺς ἀνηλεει̃ς ἐλέφαντας ποτίσας πεπληρωμένους τη̃ς του̃ οἴνου πολλη̃ς χορηγίας καὶ του̃ λιβάνου μεμεστωμένους ὄρθριος ἐπὶ τὴν αὐλὴν παρη̃ν περὶ τούτων προσαγγει̃λαι τω̨̃ βασιλει̃

¹¹τὸ δὲ ἀπ' αἰω̃νος χρόνου κτίσμα καλὸν ἐν νυκτὶ καὶ ἡμέρα̨ ἐπιβαλλόμενον ὑπὸ του̃ χαριζομένου πα̃σιν οἱ̃ς ἂν αὐτὸς θελήση̨ ὕπνου μέρος ἀπέστειλεν εἰς τὸν βασιλέα

¹²καὶ ἡδίστω̨ καὶ βαθει̃ κατεσχέθη τη̨̃ ἐνεργεία̨ του̃ δεσπότου τη̃ς ἀθέσμου μὲν προθέσεως πολὺ διεσφαλμένος του̃ δὲ ἀμεταθέτου λογισμου̃ μεγάλως διεψευσμένος

¹³οἵ τε Ιουδαι̃οι τὴν προσημανθει̃σαν ὥραν διαφυγόντες τὸν ἅγιον ἤ̨νουν θεὸν αὐτω̃ν καὶ πάλιν ἠξίουν τὸν εὐκατάλλακτον δει̃ξαι μεγαλοσθενου̃ς ἑαυτου̃ χειρὸς κράτος ἔθνεσιν ὑπερηφάνοις

¹⁴μεσούσης δὲ ἤδη δεκάτης ὥρας σχεδὸν ὁ πρὸς ται̃ς κλήσεσιν τεταγμένος ἀθρόους τοὺς κλητοὺς ἰδὼν ἔνυξεν προσελθὼν τὸν βασιλέα

¹⁵καὶ μόλις διεγείρας ὑπέδειξε τὸν τη̃ς συμποσίας καιρὸν ἤδη παρατρέχοντα τὸν περὶ τούτων λόγον ποιούμενος

¹⁶ὃν ὁ βασιλεὺς λογισάμενος καὶ τραπεὶς εἰς τὸν πότον ἐκέλευσεν τοὺς παραγεγονότας ἐπὶ τὴν συμποσίαν ἄντικρυς ἀνακλι̃ναι αὐτου̃

¹⁷οὑ̃ καὶ γενομένου παρή̨νει εἰς εὐωχίαν δόντας ἑαυτοὺς τὸ παρὸν τη̃ς συμποσίας ἐπὶ πολὺ γεραιρομένους εἰς εὐφροσύνην καταθέσθαι μέρος

¹⁸ἐπὶ πλει̃ον δὲ προβαινούσης τη̃ς ὁμιλίας τὸν 'Έρμωνα προσκαλεσάμενος ὁ βασιλεὺς μετὰ πικρα̃ς ἀπειλη̃ς ἐπυνθάνετο τίνος ἕνεκεν αἰτίας εἰάθησαν οἱ Ιουδαι̃οι τὴν περιου̃σαν ἡμέραν περιβεβιωκότες

¹⁹του̃ δὲ ὑποδείξαντος ἔτι νυκτὸς τὸ προσταγὲν ἐπὶ τέλος ἀγειοχέναι καὶ τω̃ν φίλων αὐτω̨̃ προσμαρτυρησάντων

²⁰τὴν ὠμότητα χείρονα Φαλάριδος ἐσχηκὼς ἔφη τω̨̃ τη̃ς σήμερον ὕπνω̨ χάριν ἔχειν αὐτούς ἀνυπερθέτως δὲ εἰς τὴν ἐπιτελου̃σαν ἡμέραν κατὰ τὸ ὅμοιον ἑτοίμασον τοὺς ἐλέφαντας ἐπὶ τὸν τω̃ν ἀθεμίτων Ιουδαίων ἀφανισμόν

²¹εἰπόντος δὲ του̃ βασιλέως ἀσμένως πάντες μετὰ χαρα̃ς οἱ παρόντες ὁμου̃ συναινέσαντες εἰς τὸν ἴδιον οἰ̃κον ἕκαστος ἀνέλυσεν

²²καὶ οὐχ οὕτως εἰς ὕπνον κατεχρήσαντο τὸν χρόνον τη̃ς νυκτός ὡς εἰς τὸ παντοίους μηχανα̃σθαι τοι̃ς ταλαιπώροις δοκου̃σιν ἐμπαιγμούς

²³ἄρτι δὲ ἀλεκτρυὼν ἐκέκραγεν ὄρθριος καὶ τὰ θηρία καθωπλικὼς ὁ 'Έρμων ἐν τω̨̃ μεγάλω̨ περιστύλω̨ διεκίνει

²⁴τὰ δὲ κατὰ τὴν πόλιν πλήθη συνήθροιστο πρὸς τὴν οἰκτροτάτην θεωρίαν προσδοκω̃ντα τὴν πρωίαν μετὰ σπουδη̃ς

²⁵οἱ δὲ Ιουδαι̃οι κατὰ τὸν ἀμερη̃ ψυχουλκούμενοι χρόνον πολύδακρυν ἱκετείαν ἐν μέλεσιν γοεροι̃ς τείνοντες τὰς χει̃ρας εἰς τὸν οὐρανὸν ἐδέοντο του̃ μεγίστου θεου̃ πάλιν αὐτοι̃ς βοηθη̃σαι συντόμως

²⁶οὔπω δὲ ἡλίου βολαὶ κατεσπείροντο καὶ του̃ βασιλέως τοὺς φίλους ἐκδεχομένου ὁ 'Έρμων παραστὰς ἐκάλει πρὸς τὴν ἔξοδον ὑποδεικνύων τὸ πρόθυμον του̃ βασιλέως ἐν ἑτοίμω̨ κει̃σθαι

²⁷του̃ δὲ ἀποδεξαμένου καὶ καταπλαγέντος ἐπὶ τη̨̃ παρανόμω̨ ἐξόδω̨ κατὰ πα̃ν ἀγνωσία̨ κεκρατημένος ἐπυνθάνετο τί τὸ πρα̃γμα ἐφ' οὑ̃ του̃το αὐτω̨̃ μετὰ σπουδη̃ς τετέλεσται

²⁸του̃το δὲ ἠ̃ν ἡ ἐνέργεια του̃ πάντα δεσποτεύοντος θεου̃ τω̃ν πρὶν αὐτω̨̃ μεμηχανημένων λήθην κατὰ διάνοιαν ἐντεθεικότος

²⁹ὑπεδείκνυεν ὁ 'Έρμων καὶ πάντες οἱ φίλοι τὰ θηρία καὶ τὰς δυνάμεις ἡτοιμάσθαι βασιλευ̃ κατὰ τὴν σὴν ἐκτενη̃ πρόθεσιν

³⁰ὁ δὲ ἐπὶ τοι̃ς ῥηθει̃σιν πληρωθεὶς βαρει̃ χόλω̨ διὰ τὸ περὶ τούτων προνοία̨ θεου̃ διεσκεδάσθαι πα̃ν αὐτου̃ τὸ νόημα ἐνατενίσας μετὰ ἀπειλη̃ς εἰ̃πεν

³¹ὅσοι γονει̃ς παρη̃σαν ἢ παίδων γόνοι τήνδε θηρσὶν ἀγρίοις ἐσκεύασα ἂν δαψιλη̃ θοι̃ναν ἀντὶ τω̃ν ἀνεγκλήτων ἐμοὶ καὶ προγόνοις ἐμοι̃ς ἀποδεδειγμένων ὁλοσχερη̃ βεβαίαν πίστιν ἐξόχως Ιουδαίων

³²καίπερ εἰ μὴ διὰ τὴν τη̃ς συντροφίας στοργὴν καὶ τη̃ς χρείας τὸ ζη̃ν ἀντὶ τούτων ἐστερήθης

³³οὕτως ὁ 'Έρμων ἀπροσδόκητον ἐπικίνδυνον ὑπήνεγκεν ἀπειλὴν καὶ τη̨̃ ὁράσει καὶ τω̨̃ προσώπω̨ συνεστάλη

³⁴ὁ καθει̃ς δὲ τω̃ν φίλων σκυθρωπω̃ς ὑπεκρέων τοὺς συνηθροισμένους ἀπέλυσαν ἕκαστον ἐπὶ τὴν ἰδίαν ἀσχολίαν

³⁵οἵ τε Ιουδαι̃οι τὰ παρὰ του̃ βασιλέως ἀκούσαντες τὸν ἐπιφανη̃ θεὸν κύριον βασιλέα τω̃ν βασιλέων ἤ̨νουν καὶ τη̃σδε τη̃ς βοηθείας αὐτου̃ τετευχότες

³⁶κατὰ δὲ τοὺς αὐτοὺς νόμους ὁ βασιλεὺς συστησάμενος πα̃ν τὸ συμπόσιον εἰς εὐφροσύνην τραπη̃ναι παρεκάλει

³⁷τὸν δὲ 'Έρμωνα προσκαλεσάμενος μετὰ ἀπειλη̃ς εἰ̃πεν ποσάκις δὲ δει̃ σοι περὶ τούτων αὐτω̃ν προστάττειν ἀθλιώτατε

³⁸τοὺς ἐλέφαντας ἔτι καὶ νυ̃ν καθόπλισον εἰς τὴν αὔριον ἐπὶ τὸν τω̃ν Ιουδαίων ἀφανισμόν

³⁹οἱ δὲ συνανακείμενοι συγγενει̃ς τὴν ἀσταθη̃ διάνοιαν αὐτου̃ θαυμάζοντες προεφέροντο τάδε

⁴⁰βασιλευ̃ μέχρι τίνος ὡς ἀλόγους ἡμα̃ς διαπειράζεις προστάσσων ἤδη τρίτον αὐτοὺς ἀφανίσαι καὶ πάλιν ἐπὶ τω̃ν πραγμάτων ἐκ μεταβολη̃ς ἀναλύων τὰ σοὶ δεδογμένα

⁴¹ὡ̃ν χάριν ἡ πόλις διὰ τὴν προσδοκίαν ὀχλει̃ καὶ πληθύουσα συστροφαι̃ς ἤδη καὶ κινδυνεύει πολλάκις διαρπασθη̃ναι

⁴²ὅθεν ὁ κατὰ πάντα Φάλαρις βασιλεὺς ἐμπληθυνθεὶς ἀλογιστίας καὶ τὰς γινομένας πρὸς ἐπισκοπὴν τω̃ν Ιουδαίων ἐν αὐτω̨̃ μεταβολὰς τη̃ς ψυχη̃ς παρ' οὐδὲν ἡγούμενος ἀτελέστατον βεβαίως ὅρκον ὁρισάμενος τούτους μὲν ἀνυπερθέτως πέμψειν εἰς ἅ̨δην ἐν γόνασιν καὶ ποσὶν θηρίων ἠ̨κισμένους

⁴³ἐπιστρατεύσαντα δὲ ἐπὶ τὴν Ιουδαίαν ἰσόπεδον πυρὶ καὶ δόρατι θήσεσθαι διὰ τάχους καὶ τὸν ἄβατον ἡμι̃ν αὐτω̃ν ναὸν πυρὶ πρηνέα ἐν τάχει τω̃ν συντελούντων ἐκει̃ θυσίας ἔρημον εἰς τὸν ἅπαντα χρόνον καταστήσειν

⁴⁴τότε περιχαρει̃ς ἀναλύσαντες οἱ φίλοι καὶ συγγενει̃ς μετὰ πίστεως διέτασσον τὰς δυνάμεις ἐπὶ τοὺς εὐκαιροτάτους τόπους τη̃ς πόλεως πρὸς τὴν τήρησιν

⁴⁵ὁ δὲ ἐλεφαντάρχης τὰ θηρία σχεδὸν ὡς εἰπει̃ν εἰς κατάστεμα μανιω̃δες ἀγειοχὼς εὐωδεστάτοις πόμασιν οἴνου λελιβανωμένου φοβερω̃ς κεκοσμημένα κατασκευαι̃ς

⁴⁶περὶ τὴν ἕω τη̃ς πόλεως ἤδη πλήθεσιν ἀναριθμήτοις κατὰ του̃ ἱπποδρόμου καταμεμεστωμένης εἰσελθὼν εἰς τὴν αὐλὴν ἐπὶ τὸ προκείμενον ὤτρυνε τὸν βασιλέα

⁴⁷ὁ δὲ ὀργη̨̃ βαρεία̨ γεμίσας δυσσεβη̃ φρένα παντὶ τω̨̃ βάρει σὺν τοι̃ς θηρίοις ἐξώρμησε βουλόμενος ἀτρώτω̨ καρδία̨ καὶ κόραις ὀφθαλμω̃ν θεάσασθαι τὴν ἐπίπονον καὶ ταλαίπωρον τω̃ν προσεσημαμμένων καταστροφήν

⁴⁸ὡς δὲ τω̃ν ἐλεφάντων ἐξιόντων περὶ πύλην καὶ τη̃ς συνεπομένης ἐνόπλου δυνάμεως τη̃ς τε του̃ πλήθους πορείας κονιορτὸν ἰδόντες καὶ βαρυηχη̃ θόρυβον ἀκούσαντες οἱ Ιουδαι̃οι

⁴⁹ὑστάτην βίου ῥοπὴν αὐτοι̃ς ἐκείνην δόξαντες εἰ̃ναι τὸ τέλος τη̃ς ἀθλιωτάτης προσδοκίας εἰς οἰ̃κτον καὶ γόους τραπέντες κατεφίλουν ἀλλήλους περιπλεκόμενοι τοι̃ς συγγενέσιν ἐπὶ τοὺς τραχήλους ἐπιπίπτοντες γονει̃ς παισὶν καὶ μητέρες νεάνισιν ἕτεραι δὲ νεογνὰ πρὸς μαστοὺς ἔχουσαι βρέφη τελευται̃ον ἕλκοντα γάλα

⁵⁰οὐ μὴν δὲ ἀλλὰ καὶ τὰς ἔμπροσθεν αὐτω̃ν γεγενημένας ἀντιλήμψεις ἐξ οὐρανου̃ συνιδόντες πρηνει̃ς ὁμοθυμαδὸν ῥίψαντες ἑαυτοὺς καὶ τὰ νήπια χωρίσαντες τω̃ν μαστω̃ν

⁵¹ἀνεβόησαν φωνη̨̃ μεγάλη̨ σφόδρα τὸν τη̃ς ἁπάσης δυνάμεως δυνάστην ἱκετεύοντες οἰκτι̃ραι μετὰ ἐπιφανείας αὐτοὺς ἤδη πρὸς πύλαις ἅ̨δου καθεστω̃τας

Pour que les textes en grec s’affichent correctement, il est préférable d’installer la police Lucida Sans Unicode. De même, pour les textes en slavon ancien, installez la police Hirmos. Si votre navigateur prend en charge CSS3, les polices s’afficheront automatiquement.


	Après votre inscription, vous pourrez vous abonner à l’envoi des textes de n’importe quel plan de lecture de la Bible. Nous prévoyons d’ajouter progressivement des paramètres personnalisés ainsi que d’autres services pour les utilisateurs inscrits. Nous vous conseillons donc de vous inscrire dès maintenant. C’est gratuit.