ΜΑΚΚΑΒΑΊΩΝ Γ, κεφαλίς 3: BIBLE, Grec / Septante == BIBLE-CENTRE

ΜΑΚΚΑΒΑΊΩΝ Γ, κεφαλίς 3

¹ἃ καὶ μεταλαμβάνων ὁ δυσσεβὴς ἐπὶ τοσου̃τον ἐξεχόλησεν ὥστε οὐ μόνον τοι̃ς κατὰ 'Αλεξάνδρειαν διοργίζεσθαι ἀλλὰ καὶ τοι̃ς ἐν τη̨̃ χώρα̨ βαρυτέρως ἐναντιωθη̃ναι καὶ προστάξαι σπεύσαντας συναγαγει̃ν πάντας ἐπὶ τὸ αὐτὸ καὶ χειρίστω̨ μόρω̨ του̃ ζη̃ν μεταστη̃σαι

²τούτων δὲ οἰκονομουμένων φήμη δυσμενὴς ἐξηχει̃το κατὰ του̃ γένους ἀνθρώποις συμφρονου̃σιν εἰς κακοποίησιν ἀφορμη̃ς διδομένης εἰς διάθεσιν ὡς ἂν ἀπὸ τω̃ν νομίμων αὐτοὺς κωλυόντων

³οἱ δὲ Ιουδαι̃οι τὴν μὲν πρὸς τοὺς βασιλει̃ς εὔνοιαν καὶ πίστιν ἀδιάστροφον ἠ̃σαν φυλάσσοντες

⁴σεβόμενοι δὲ τὸν θεὸν καὶ τω̨̃ τούτου νόμω̨ πολιτευόμενοι χωρισμὸν ἐποίουν ἐπὶ τω̨̃ κατὰ τὰς τροφάς δι' ἣν αἰτίαν ἐνίοις ἀπεχθει̃ς ἐφαίνοντο

⁵τη̨̃ δὲ τω̃ν δικαίων εὐπραξία̨ κοσμου̃ντες τὴν συναναστροφὴν ἅπασιν ἀνθρώποις εὐδόκιμοι καθειστήκεισαν

⁶τὴν μὲν οὐ̃ν περὶ του̃ γένους ἐν πα̃σιν θρυλουμένην εὐπραξίαν οἱ ἀλλόφυλοι οὐδαμω̃ς διηριθμήσαντο

⁷τὴν δὲ περὶ τω̃ν προσκυνήσεων καὶ τροφω̃ν διάστασιν ἐθρύλουν φάσκοντες μήτε τω̨̃ βασιλει̃ μήτε ται̃ς δυνάμεσιν ὁμοσπόνδους τοὺς ἀνθρώπους γίνεσθαι δυσμενει̃ς δὲ εἰ̃ναι καὶ μέγα τι τοι̃ς πράγμασιν ἐναντιουμένους καὶ οὐ τω̨̃ τυχόντι περιη̃ψαν ψόγω̨

⁸οἱ δὲ κατὰ τὴν πόλιν 'Έλληνες οὐδὲν ἠδικημένοι ταραχὴν ἀπροσδόκητον περὶ τοὺς ἀνθρώπους θεωρου̃ντες καὶ συνδρομὰς ἀπροσκόπους γινομένας βοηθει̃ν μὲν οὐκ ἔσθενον τυραννικὴ γὰρ ἠ̃ν ἡ διάθεσις παρεκάλουν δὲ καὶ δυσφόρως εἰ̃χον καὶ μεταπεσει̃σθαι ταυ̃τα ὑπελάμβανον

⁹μὴ γὰρ οὕτω παροραθήσεσθαι τηλικου̃το σύστεμα μηδὲν ἠγνοηκός

¹⁰ἤδη δὲ καί τινες γείτονές τε καὶ φίλοι καὶ συμπραγματευόμενοι μυστικω̃ς τινας ἐπισπώμενοι πίστεις ἐδίδουν συνασπιει̃ν καὶ πα̃ν ἐκτενὲς προσοίσεσθαι πρὸς ἀντίλημψιν

¹¹ἐκει̃νος μὲν οὐ̃ν τη̨̃ κατὰ τὸ παρὸν εὐημερία̨ γεγαυρωμένος καὶ οὐ καθορω̃ν τὸ του̃ μεγίστου θεου̃ κράτος ὑπολαμβάνων δὲ διηνεκω̃ς ἐν τη̨̃ αὐτη̨̃ διαμενει̃ν βουλη̨̃ ἔγραψεν κατ' αὐτω̃ν ἐπιστολὴν τήνδε

¹²βασιλεὺς Πτολεμαι̃ος Φιλοπάτωρ τοι̃ς κατ' Αἴγυπτον καὶ κατὰ τόπον στρατηγοι̃ς καὶ στρατιώταις χαίρειν καὶ ἐρρω̃σθαι

¹³ἔρρωμαι δὲ καὶ αὐτὸς ἐγὼ καὶ τὰ πράγματα ἡμω̃ν

¹⁴τη̃ς εἰς τὴν 'Ασίαν γενομένης ἡμι̃ν ἐπιστρατείας ἡ̃ς ἴστε καὶ αὐτοί τη̨̃ τω̃ν θεω̃ν ἀπροπτώτω̨ συμμαχία̨ κατὰ λόγον ἐπὶ τέλος ἀχθείσης

¹⁵ἡγησάμεθα μὴ βία̨ δόρατος ἐπιεικεία̨ δὲ καὶ πολλη̨̃ φιλανθρωπία̨ τιθηνήσασθαι τὰ κατοικου̃ντα Κοίλην Συρίαν καὶ Φοινίκην ἔθνη εὐ̃ ποιη̃σαί τε ἀσμένως

¹⁶καὶ τοι̃ς κατὰ πόλιν ἱεροι̃ς ἀπονείμαντες προσόδους πλείστας προήχθημεν καὶ εἰς τὰ Ιεροσόλυμα ἀναβάντες τιμη̃σαι τὸ ἱερὸν τω̃ν ἀλιτηρίων καὶ μηδέποτε ληγόντων τη̃ς ἀνοίας

¹⁷οἱ δὲ λόγω̨ μὲν τὴν ἡμετέραν ἀποδεξάμενοι παρουσίαν τω̨̃ δὲ πράγματι νόθως προθυμηθέντων ἡμω̃ν εἰσελθει̃ν εἰς τὸν ναὸν αὐτω̃ν καὶ τοι̃ς ἐκπρεπέσιν καὶ καλλίστοις ἀναθήμασιν τιμη̃σαι

¹⁸τύφοις φερόμενοι παλαιοτέροις εἰ̃ρξαν ἡμα̃ς τη̃ς εἰσόδου λειπόμενοι τη̃ς ἡμετέρας ἀλκη̃ς δι' ἣν ἔχομεν πρὸς ἅπαντας ἀνθρώπους φιλανθρωπίαν

¹⁹τὴν δὲ αὐτω̃ν εἰς ἡμα̃ς δυσμένειαν ἔκδηλον καθιστάντες ὡς μονώτατοι τω̃ν ἐθνω̃ν βασιλευ̃σιν καὶ τοι̃ς ἑαυτω̃ν εὐεργέταις ὑψαυχενου̃ντες οὐδὲν γνήσιον βούλονται φέρειν

²⁰ἡμει̃ς δὲ τη̨̃ τούτων ἀνοία̨ συμπεριενεχθέντες καὶ μετὰ νίκης διακομισθέντες εἰς τὴν Αἴγυπτον τοι̃ς πα̃σιν ἔθνεσιν φιλανθρώπως ἀπαντήσαντες καθὼς ἔπρεπεν ἐποιήσαμεν

²¹ἐν δὲ τούτοις πρὸς τοὺς ὁμοφύλους αὐτω̃ν ἀμνησικακίαν ἅπασιν γνωρίζοντες διά τε τὴν συμμαχίαν καὶ τὰ πεπιστευμένα μετὰ ἁπλότητος αὐτοι̃ς ἀρχη̃θεν μύρια πράγματα τολμήσαντες ἐξαλλοιω̃σαι ἐβουλήθημεν καὶ πολιτείας αὐτοὺς 'Αλεξανδρέων καταξιω̃σαι καὶ μετόχους τω̃ν ἀεὶ ἱερω̃ν καταστη̃σαι

²²οἱ δὲ τοὐναντίον ἐκδεχόμενοι καὶ τη̨̃ συμφύτω̨ κακοηθεία̨ τὸ καλὸν ἀπωσάμενοι διηνεκω̃ς δὲ εἰς τὸ φαυ̃λον ἐκνεύοντες

²³οὐ μόνον ἀπεστρέψαντο τὴν ἀτίμητον πολιτείαν ἀλλὰ καὶ βδελύσσονται λόγω̨ τε καὶ σιγη̨̃ τοὺς ἐν αὐτοι̃ς ὀλίγους πρὸς ἡμα̃ς γνησίως διακειμένους παρ' ἕκαστα ὑφορώμενοι μετὰ τη̃ς δυσκλεεστάτης ἐμβιώσεως διὰ τάχους ἡμα̃ς καταστρέψαι τὰ πράγματα

²⁴διὸ καὶ τεκμηρίοις καλω̃ς πεπεισμένοι τούτους κατὰ πάντα δυσνοει̃ν ἡμι̃ν τρόπον καὶ προνοούμενοι μήποτε αἰφνιδίου μετέπειτα ταραχη̃ς ἐνστάσης ἡμι̃ν τοὺς δυσσεβει̃ς τούτους κατὰ νώτου προδότας καὶ βαρβάρους ἔχωμεν πολεμίους

²⁵προστετάχαμεν ἅμα τω̨̃ προσπεσει̃ν τὴν ἐπιστολὴν τήνδε αὐθωρὶ τοὺς ἐννεμομένους σὺν γυναιξὶ καὶ τέκνοις μετὰ ὕβρεων καὶ σκυλμω̃ν ἀποστει̃λαι πρὸς ἡμα̃ς ἐν δεσμοι̃ς σιδηροι̃ς πάντοθεν κατακεκλεισμένους εἰς ἀνήκεστον καὶ δυσκλεη̃ πρέποντα δυσμενέσι φόνον

²⁶τούτων γὰρ ὁμου̃ κολασθέντων διειλήφαμεν εἰς τὸν ἐπίλοιπον χρόνον τελείως ἡμι̃ν τὰ πράγματα ἐν εὐσταθεία̨ καὶ τη̨̃ βελτίστη̨ διαθέσει κατασταθήσεσθαι

²⁷ὃς δ' ἂν σκεπάση̨ τινὰ τω̃ν Ιουδαίων ἀπὸ γεραιου̃ μέχρι νηπίου καὶ μέχρι τω̃ν ὑπομαστιδίων αἰσχίσταις βασάνοις ἀποτυμπανισθήσεται πανοικία̨

²⁸μηνύειν δὲ τὸν βουλόμενον ἐφ' ὡ̨̃ τὴν οὐσίαν του̃ ἐμπίπτοντος ὑπὸ τὴν εὔθυναν λήμψεται καὶ ἐκ του̃ βασιλικου̃ ἀργυρίου δραχμὰς δισχιλίας καὶ τη̨̃ ἐλευθερία̨ στεφανωθήσεται

²⁹πα̃ς δὲ τόπος οὑ̃ ἐὰν φωραθη̨̃ τὸ σύνολον σκεπαζόμενος Ιουδαι̃ος ἄβατος καὶ πυριφλεγὴς γινέσθω καὶ πάση̨ θνητη̨̃ φύσει καθ' ἅπαν ἄχρηστος φανήσεται εἰς τὸν ἀεὶ χρόνον

³⁰καὶ ὁ μὲν τη̃ς ἐπιστολη̃ς τύπος οὕτως ἐγέγραπτο

Pour que les textes en grec s’affichent correctement, il est préférable d’installer la police Lucida Sans Unicode. De même, pour les textes en slavon ancien, installez la police Hirmos. Si votre navigateur prend en charge CSS3, les polices s’afficheront automatiquement.


	Après votre inscription, vous pourrez vous abonner à l’envoi des textes de n’importe quel plan de lecture de la Bible. Nous prévoyons d’ajouter progressivement des paramètres personnalisés ainsi que d’autres services pour les utilisateurs inscrits. Nous vous conseillons donc de vous inscrire dès maintenant. C’est gratuit.