ΜΑΚΚΑΒΑΊΩΝ Β, κεφαλίς 9: BIBLE, Grec / Septante == BIBLE-CENTRE

ΜΑΚΚΑΒΑΊΩΝ Β, κεφαλίς 9

¹περὶ δὲ τὸν καιρὸν ἐκει̃νον ἐτύγχανεν 'Αντίοχος ἀναλελυκὼς ἀκόσμως ἐκ τω̃ν περὶ τὴν Περσίδα τόπων

²εἰσεληλύθει γὰρ εἰς τὴν λεγομένην Περσέπολιν καὶ ἐπεχείρησεν ἱεροσυλει̃ν καὶ τὴν πόλιν συνέχειν διὸ δὴ τω̃ν πληθω̃ν ὁρμησάντων ἐπὶ τὴν τω̃ν ὅπλων βοήθειαν ἐτράπησαν καὶ συνέβη τροπωθέντα τὸν 'Αντίοχον ὑπὸ τω̃ν ἐγχωρίων ἀσχήμονα τὴν ἀναζυγὴν ποιήσασθαι

³ὄντι δὲ αὐτω̨̃ κατ' 'Εκβάτανα προσέπεσεν τὰ κατὰ Νικάνορα καὶ τοὺς περὶ Τιμόθεον γεγονότα

⁴ἐπαρθεὶς δὲ τω̨̃ θυμω̨̃ ὤ̨ετο καὶ τὴν τω̃ν πεφυγαδευκότων αὐτὸν κακίαν εἰς τοὺς Ιουδαίους ἐναπερείσασθαι διὸ συνέταξεν τὸν ἁρματηλάτην ἀδιαλείπτως ἐλαύνοντα κατανύειν τὴν πορείαν τη̃ς ἐξ οὐρανου̃ δὴ κρίσεως συνούσης αὐτω̨̃ οὕτως γὰρ ὑπερηφάνως εἰ̃πεν πολυάνδριον Ιουδαίων Ιεροσόλυμα ποιήσω παραγενόμενος ἐκει̃

⁵ὁ δὲ παντεπόπτης κύριος ὁ θεὸς του̃ Ισραηλ ἐπάταξεν αὐτὸν ἀνιάτω̨ καὶ ἀοράτω̨ πληγη̨̃ ἄρτι δὲ αὐτου̃ καταλήξαντος τὸν λόγον ἔλαβεν αὐτὸν ἀνήκεστος τω̃ν σπλάγχνων ἀλγηδὼν καὶ πικραὶ τω̃ν ἔνδον βάσανοι

⁶πάνυ δικαίως τὸν πολλαι̃ς καὶ ξενιζούσαις συμφοραι̃ς ἑτέρων σπλάγχνα βασανίσαντα

⁷ὁ δ' οὐδαμω̃ς τη̃ς ἀγερωχίας ἔληγεν ἔτι δὲ καὶ τη̃ς ὑπερηφανίας ἐπεπλήρωτο πυ̃ρ πνέων τοι̃ς θυμοι̃ς ἐπὶ τοὺς Ιουδαίους καὶ κελεύων ἐποξύνειν τὴν πορείαν συνέβη δὲ καὶ πεσει̃ν αὐτὸν ἀπὸ του̃ ἅρματος φερομένου ῥοίζω̨ καὶ δυσχερει̃ πτώματι περιπεσόντα πάντα τὰ μέλη του̃ σώματος ἀποστρεβλου̃σθαι

⁸ὁ δ' ἄρτι δοκω̃ν τοι̃ς τη̃ς θαλάσσης κύμασιν ἐπιτάσσειν διὰ τὴν ὑπὲρ ἄνθρωπον ἀλαζονείαν καὶ πλάστιγγι τὰ τω̃ν ὀρέων οἰόμενος ὕψη στήσειν κατὰ γη̃ν γενόμενος ἐν φορείω̨ παρεκομίζετο φανερὰν του̃ θεου̃ πα̃σιν τὴν δύναμιν ἐνδεικνύμενος

⁹ὥστε καὶ ἐκ του̃ σώματος του̃ δυσσεβου̃ς σκώληκας ἀναζει̃ν καὶ ζω̃ντος ἐν ὀδύναις καὶ ἀλγηδόσιν τὰς σάρκας αὐτου̃ διαπίπτειν ὑπὸ δὲ τη̃ς ὀσμη̃ς αὐτου̃ πα̃ν τὸ στρατόπεδον βαρύνεσθαι τὴν σαπρίαν

¹⁰καὶ τὸν μικρω̨̃ πρότερον τω̃ν οὐρανίων ἄστρων ἅπτεσθαι δοκου̃ντα παρακομίζειν οὐδεὶς ἐδύνατο διὰ τὸ τη̃ς ὀσμη̃ς ἀφόρητον βάρος

¹¹ἐνταυ̃θα οὐ̃ν ἤρξατο τὸ πολὺ τη̃ς ὑπερηφανίας λήγειν τεθραυσμένος καὶ εἰς ἐπίγνωσιν ἔρχεσθαι θεία̨ μάστιγι κατὰ στιγμὴν ἐπιτεινόμενος ται̃ς ἀλγηδόσιν

¹²καὶ μηδὲ τη̃ς ὀσμη̃ς αὐτου̃ δυνάμενος ἀνέχεσθαι ταυ̃τ' ἔφη δίκαιον ὑποτάσσεσθαι τω̨̃ θεω̨̃ καὶ μὴ θνητὸν ὄντα ἰσόθεα φρονει̃ν

¹³ηὔχετο δὲ ὁ μιαρὸς πρὸς τὸν οὐκέτι αὐτὸν ἐλεήσοντα δεσπότην οὕτως λέγων

¹⁴τὴν μὲν ἁγίαν πόλιν ἣν σπεύδων παρεγίνετο ἰσόπεδον ποιη̃σαι καὶ πολυάνδριον οἰκοδομη̃σαι ἐλευθέραν ἀναδει̃ξαι

¹⁵τοὺς δὲ Ιουδαίους οὓς διεγνώκει μηδὲ ταφη̃ς ἀξιω̃σαι οἰωνοβρώτους δὲ σὺν τοι̃ς νηπίοις ἐκρίψειν θηρίοις πάντας αὐτοὺς ἴσους 'Αθηναίοις ποιήσειν

¹⁶ὃν δὲ πρότερον ἐσκύλευσεν ἅγιον νεὼ καλλίστοις ἀναθήμασιν κοσμήσειν καὶ τὰ ἱερὰ σκεύη πολυπλάσια πάντα ἀποδώσειν τὰς δὲ ἐπιβαλλούσας πρὸς τὰς θυσίας συντάξεις ἐκ τω̃ν ἰδίων προσόδων χορηγήσειν

¹⁷πρὸς δὲ τούτοις καὶ Ιουδαι̃ον ἔσεσθαι καὶ πάντα τόπον οἰκητὸν ἐπελεύσεσθαι καταγγέλλοντα τὸ του̃ θεου̃ κράτος

¹⁸οὐδαμω̃ς δὲ ληγόντων τω̃ν πόνων ἐπεληλύθει γὰρ ἐπ' αὐτὸν δικαία ἡ του̃ θεου̃ κρίσις τὰ κατ' αὐτὸν ἀπελπίσας ἔγραψεν πρὸς τοὺς Ιουδαίους τὴν ὑπογεγραμμένην ἐπιστολὴν ἱκετηρίας τάξιν ἔχουσαν περιέχουσαν δὲ οὕτως

¹⁹τοι̃ς χρηστοι̃ς Ιουδαίοις τοι̃ς πολίταις πολλὰ χαίρειν καὶ ὑγιαίνειν καὶ εὐ̃ πράττειν βασιλεὺς καὶ στρατηγὸς 'Αντίοχος

²⁰εἰ ἔρρωσθε καὶ τὰ τέκνα καὶ τὰ ἴδια κατὰ γνώμην ἐστὶν ὑμι̃ν εἰς οὐρανὸν τὴν ἐλπίδα ἔχων

²¹ὑμω̃ν τὴν τιμὴν καὶ τὴν εὔνοιαν ἐμνημόνευον φιλοστόργως ἐπανάγων ἐκ τω̃ν κατὰ τὴν Περσίδα τόπων καὶ περιπεσὼν ἀσθενεία̨ δυσχέρειαν ἐχούση̨ ἀναγκαι̃ον ἡγησάμην φροντίσαι τη̃ς κοινη̃ς πάντων ἀσφαλείας

²²οὐκ ἀπογινώσκων τὰ κατ' ἐμαυτόν ἀλλὰ ἔχων πολλὴν ἐλπίδα ἐκφεύξεσθαι τὴν ἀσθένειαν

²³θεωρω̃ν δὲ ὅτι καὶ ὁ πατήρ καθ' οὓς καιροὺς εἰς τοὺς ἄνω τόπους ἐστρατοπέδευσεν ἀνέδειξεν τὸν διαδεξάμενον

²⁴ὅπως ἐάν τι παράδοξον ἀποβαίνη̨ ἢ καὶ προσαγγελθη̨̃ τι δυσχερές εἰδότες οἱ κατὰ τὴν χώραν ὡ̨̃ καταλέλειπται τὰ πράγματα μὴ ἐπιταράσσωνται

²⁵πρὸς δὲ τούτοις κατανοω̃ν τοὺς παρακειμένους δυνάστας καὶ γειτνιω̃ντας τη̨̃ βασιλεία̨ τοι̃ς καιροι̃ς ἐπέχοντας καὶ προσδοκω̃ντας τὸ ἀποβησόμενον ἀναδέδειχα τὸν υἱὸν 'Αντίοχον βασιλέα ὃν πολλάκις ἀνατρέχων εἰς τὰς ἐπάνω σατραπείας τοι̃ς πλείστοις ὑμω̃ν παρεκατετιθέμην καὶ συνίστων γέγραφα δὲ πρὸς αὐτὸν τὰ ὑπογεγραμμένα

²⁶παρακαλω̃ οὐ̃ν ὑμα̃ς καὶ ἀξιω̃ μεμνημένους τω̃ν εὐεργεσιω̃ν κοινη̨̃ καὶ κατ' ἰδίαν ἕκαστον συντηρει̃ν τὴν οὐ̃σαν εὔνοιαν εἰς ἐμὲ καὶ τὸν υἱόν

²⁷πέπεισμαι γὰρ αὐτὸν ἐπιεικω̃ς καὶ φιλανθρώπως παρακολουθου̃ντα τη̨̃ ἐμη̨̃ προαιρέσει συμπεριενεχθήσεσθαι ὑμι̃ν

²⁸ὁ μὲν οὐ̃ν ἀνδροφόνος καὶ βλάσφημος τὰ χείριστα παθών ὡς ἑτέρους διέθηκεν ἐπὶ ξένης ἐν τοι̃ς ὄρεσιν οἰκτίστω̨ μόρω̨ κατέστρεψεν τὸν βίον

²⁹παρεκομίζετο δὲ τὸ σω̃μα Φίλιππος ὁ σύντροφος αὐτου̃ ὃς καὶ διευλαβηθεὶς τὸν υἱὸν 'Αντιόχου πρὸς Πτολεμαι̃ον τὸν Φιλομήτορα εἰς Αἴγυπτον διεκομίσθη

Pour que les textes en grec s’affichent correctement, il est préférable d’installer la police Lucida Sans Unicode. De même, pour les textes en slavon ancien, installez la police Hirmos. Si votre navigateur prend en charge CSS3, les polices s’afficheront automatiquement.


	Après votre inscription, vous pourrez vous abonner à l’envoi des textes de n’importe quel plan de lecture de la Bible. Nous prévoyons d’ajouter progressivement des paramètres personnalisés ainsi que d’autres services pour les utilisateurs inscrits. Nous vous conseillons donc de vous inscrire dès maintenant. C’est gratuit.