Liber Psalmorum, Psalmus 54

¹Magistro chori. Fidibus. Maskil. David,

²postquam Ziphaei ad Saul venerunt dicentes:
" Ecce David apud nos abditus latet ".

³Deus, in nomine tuo salvum me fac
et in virtute tua iudica me.

⁴Deus, exaudi orationem meam,
auribus percipe verba oris mei!

⁵Quoniam superbi insurrexerunt adversum me,
et fortes quaesierunt animam meam
et non proposuerunt Deum ante conspectum suum.

⁶Ecce enim Deus adiuvat me,
et Dominus susceptor est animae meae.

⁷Converte mala super inimicos meos et in veritate tua disperde illos.

⁸Voluntarie sacrificabo tibi,
confitebor nomini tuo, Domine, quoniam bonum est;

⁹quoniam ex omni tribulatione eripuit me,
et super inimicos meos despexit oculus meus.


	Après votre inscription, vous pourrez vous abonner à l’envoi des textes de n’importe quel plan de lecture de la Bible. Nous prévoyons d’ajouter progressivement des paramètres personnalisés ainsi que d’autres services pour les utilisateurs inscrits. Nous vous conseillons donc de vous inscrire dès maintenant. C’est gratuit.