Evangelium secundum Marcum, Caput 15, versae 6-15

⁶ Per diem autem festum solebat dimittere illis unum ex vinctis, quemcumque petissent. ⁷ Erat autem qui dicebatur Barrabas, qui cum seditiosis erat vinctus, qui in seditione fecerat homicidium. ⁸ Et cum ascendisset turba, cœpit rogare, sicut semper faciebat illis. ⁹ Pilatus autem respondit eis, et dixit: Vultis dimittam vobis regem Judæorum? ¹⁰ Sciebat enim quod per invidiam tradidissent eum summi sacerdotes. ¹¹ Pontifices autem concitaverunt turbam, ut magis Barabbam dimitteret eis. ¹² Pilatus autem iterum respondens, ait illis: Quid ergo vultis faciam regi Judæorum? ¹³ At illi iterum clamaverunt: Crucifige eum. ¹⁴ Pilatus vero dicebat illis: Quid enim mali fecit? At illi magis clamabant: Crucifige eum. ¹⁵ Pilatus autem volens populo satisfacere, dimisit illis Barabbam, et tradidit Jesum flagellis cæsum, ut crucifigeretur.

Lire la suite:Evangelium secundum Marcum, Caput 15


	Après votre inscription, vous pourrez vous abonner à l’envoi des textes de n’importe quel plan de lecture de la Bible. Nous prévoyons d’ajouter progressivement des paramètres personnalisés ainsi que d’autres services pour les utilisateurs inscrits. Nous vous conseillons donc de vous inscrire dès maintenant. C’est gratuit.