ΙΕΡΕΜΊΑΣ, κεφαλίς 52: BIBLE, Grec / Septante == BIBLE-CENTRE

ΙΕΡΕΜΊΑΣ, κεφαλίς 52

¹ὄντος εἰκοστου̃ καὶ ἑνὸς ἔτους Σεδεκιου ἐν τω̨̃ βασιλεύειν αὐτόν καὶ ἕνδεκα ἔτη ἐβασίλευσεν ἐν Ιερουσαλημ καὶ ὄνομα τη̨̃ μητρὶ αὐτου̃ Αμιτααλ θυγάτηρ Ιερεμιου ἐκ Λοβενα

²...

³...

⁴καὶ ἐγένετο ἐν τω̨̃ ἔτει τω̨̃ ἐνάτω̨ τη̃ς βασιλείας αὐτου̃ ἐν μηνὶ τω̨̃ δεκάτω̨ δεκάτη̨ του̃ μηνὸς ἠ̃λθεν Ναβουχοδονοσορ βασιλεὺς Βαβυλω̃νος καὶ πα̃σα ἡ δύναμις αὐτου̃ ἐπὶ Ιερουσαλημ καὶ περιεχαράκωσαν αὐτὴν καὶ περιω̨κοδόμησαν αὐτὴν τετραπέδοις λίθοις κύκλω̨

⁵καὶ ἠ̃λθεν ἡ πόλις εἰς συνοχὴν ἕως ἑνδεκάτου ἔτους τω̨̃ βασιλει̃ Σεδεκια

⁶ἐν τη̨̃ ἐνάτη̨ του̃ μηνὸς καὶ ἐστερεώθη ὁ λιμὸς ἐν τη̨̃ πόλει καὶ οὐκ ἠ̃σαν ἄρτοι τω̨̃ λαω̨̃ τη̃ς γη̃ς

⁷καὶ διεκόπη ἡ πόλις καὶ πάντες οἱ ἄνδρες οἱ πολεμισταὶ ἐξη̃λθον νυκτὸς κατὰ τὴν ὁδὸν τη̃ς πύλης ἀνὰ μέσον του̃ τείχους καὶ του̃ προτειχίσματος ὃ ἠ̃ν κατὰ τὸν κη̃πον του̃ βασιλέως καὶ οἱ Χαλδαι̃οι ἐπὶ τη̃ς πόλεως κύκλω̨ καὶ ἐπορεύθησαν ὁδὸν τὴν εἰς Αραβα

⁸καὶ κατεδίωξεν ἡ δύναμις τω̃ν Χαλδαίων ὀπίσω του̃ βασιλέως καὶ κατέλαβον αὐτὸν ἐν τω̨̃ πέραν Ιεριχω καὶ πάντες οἱ παι̃δες αὐτου̃ διεσπάρησαν ἀπ' αὐτου̃

⁹καὶ συνέλαβον τὸν βασιλέα καὶ ἤγαγον αὐτὸν πρὸς τὸν βασιλέα Βαβυλω̃νος εἰς Δεβλαθα καὶ ἐλάλησεν αὐτω̨̃ μετὰ κρίσεως

¹⁰καὶ ἔσφαξεν βασιλεὺς Βαβυλω̃νος τοὺς υἱοὺς Σεδεκιου κατ' ὀφθαλμοὺς αὐτου̃ καὶ πάντας τοὺς ἄρχοντας Ιουδα ἔσφαξεν ἐν Δεβλαθα

¹¹καὶ τοὺς ὀφθαλμοὺς Σεδεκιου ἐξετύφλωσεν καὶ ἔδησεν αὐτὸν ἐν πέδαις καὶ ἤγαγεν αὐτὸν βασιλεὺς Βαβυλω̃νος εἰς Βαβυλω̃να καὶ ἔδωκεν αὐτὸν εἰς οἰκίαν μύλωνος ἕως ἡμέρας ἡ̃ς ἀπέθανεν

¹²καὶ ἐν μηνὶ πέμπτω̨ δεκάτη̨ του̃ μηνὸς ἠ̃λθεν Ναβουζαρδαν ὁ ἀρχιμάγειρος ὁ ἑστηκὼς κατὰ πρόσωπον του̃ βασιλέως Βαβυλω̃νος εἰς Ιερουσαλημ

¹³καὶ ἐνέπρησεν τὸν οἰ̃κον κυρίου καὶ τὸν οἰ̃κον του̃ βασιλέως καὶ πάσας τὰς οἰκίας τη̃ς πόλεως καὶ πα̃σαν οἰκίαν μεγάλην ἐνέπρησεν ἐν πυρί

¹⁴καὶ πα̃ν τει̃χος Ιερουσαλημ κύκλω̨ καθει̃λεν ἡ δύναμις τω̃ν Χαλδαίων ἡ μετὰ του̃ ἀρχιμαγείρου

¹⁵...

¹⁶καὶ τοὺς καταλοίπους του̃ λαου̃ κατέλιπεν ὁ ἀρχιμάγειρος εἰς ἀμπελουργοὺς καὶ εἰς γεωργούς

¹⁷καὶ τοὺς στύλους τοὺς χαλκου̃ς τοὺς ἐν οἴκω̨ κυρίου καὶ τὰς βάσεις καὶ τὴν θάλασσαν τὴν χαλκη̃ν τὴν ἐν οἴκω̨ κυρίου συνέτριψαν οἱ Χαλδαι̃οι καὶ ἔλαβον τὸν χαλκὸν αὐτω̃ν καὶ ἀπήνεγκαν εἰς Βαβυλω̃να

¹⁸καὶ τὴν στεφάνην καὶ τὰς φιάλας καὶ τὰς κρεάγρας καὶ πάντα τὰ σκεύη τὰ χαλκα̃ ἐν οἱ̃ς ἐλειτούργουν ἐν αὐτοι̃ς

¹⁹καὶ τὰ σαφφωθ καὶ τὰ μασμαρωθ καὶ τοὺς ὑποχυτη̃ρας καὶ τὰς λυχνίας καὶ τὰς θυίσκας καὶ τοὺς κυάθους ἃ ἠ̃ν χρυσα̃ χρυσα̃ καὶ ἃ ἠ̃ν ἀργυρα̃ ἀργυρα̃ ἔλαβεν ὁ ἀρχιμάγειρος

²⁰καὶ οἱ στυ̃λοι δύο καὶ ἡ θάλασσα μία καὶ οἱ μόσχοι δώδεκα χαλκοι̃ ὑποκάτω τη̃ς θαλάσσης ἃ ἐποίησεν ὁ βασιλεὺς Σαλωμων εἰς οἰ̃κον κυρίου οὐκ ἠ̃ν σταθμὸς του̃ χαλκου̃ αὐτω̃ν

²¹καὶ οἱ στυ̃λοι τριάκοντα πέντε πηχω̃ν ὕψος του̃ στύλου του̃ ἑνός καὶ σπαρτίον δώδεκα πήχεων περιεκύκλου αὐτόν καὶ τὸ πάχος αὐτου̃ δακτύλων τεσσάρων κύκλω̨

²²καὶ γει̃σος ἐπ' αὐτοι̃ς χαλκου̃ν καὶ πέντε πήχεων τὸ μη̃κος ὑπεροχὴ του̃ γείσους του̃ ἑνός καὶ δίκτυον καὶ ῥόαι ἐπὶ του̃ γείσους κύκλω̨ τὰ πάντα χαλκα̃ καὶ κατὰ ταυ̃τα τω̨̃ στύλω̨ τω̨̃ δευτέρω̨ ὀκτὼ ῥόαι τω̨̃ πήχει τοι̃ς δώδεκα πήχεσιν

²³καὶ ἠ̃σαν αἱ ῥόαι ἐνενήκοντα ἓξ τὸ ἓν μέρος καὶ ἠ̃σαν αἱ πα̃σαι ῥόαι ἐπὶ του̃ δικτύου κύκλω̨ ἑκατόν

²⁴καὶ ἔλαβεν ὁ ἀρχιμάγειρος τὸν ἱερέα τὸν πρω̃τον καὶ τὸν ἱερέα τὸν δευτερεύοντα καὶ τοὺς τρει̃ς τοὺς φυλάττοντας τὴν ὁδὸν

²⁵καὶ εὐνου̃χον ἕνα ὃς ἠ̃ν ἐπιστάτης τω̃ν ἀνδρω̃ν τω̃ν πολεμιστω̃ν καὶ ἑπτὰ ἄνδρας ὀνομαστοὺς τοὺς ἐν προσώπω̨ του̃ βασιλέως τοὺς εὑρεθέντας ἐν τη̨̃ πόλει καὶ τὸν γραμματέα τω̃ν δυνάμεων τὸν γραμματεύοντα τω̨̃ λαω̨̃ τη̃ς γη̃ς καὶ ἑξήκοντα ἀνθρώπους ἐκ του̃ λαου̃ τη̃ς γη̃ς τοὺς εὑρεθέντας ἐν μέσω̨ τη̃ς πόλεως

²⁶καὶ ἔλαβεν αὐτοὺς Ναβουζαρδαν ὁ ἀρχιμάγειρος καὶ ἤγαγεν αὐτοὺς πρὸς βασιλέα Βαβυλω̃νος εἰς Δεβλαθα

²⁷καὶ ἐπάταξεν αὐτοὺς βασιλεὺς Βαβυλω̃νος ἐν Δεβλαθα ἐν γη̨̃ Αιμαθ

²⁸...

²⁹...

³⁰...

³¹καὶ ἐγένετο ἐν τω̨̃ τριακοστω̨̃ καὶ ἑβδόμω̨ ἔτει ἀποικισθέντος του̃ Ιωακιμ βασιλέως Ιουδα ἐν τω̨̃ δωδεκάτω̨ μηνὶ ἐν τη̨̃ τετράδι καὶ εἰκάδι του̃ μηνὸς ἔλαβεν Ουλαιμαραδαχ βασιλεὺς Βαβυλω̃νος ἐν τω̨̃ ἐνιαυτω̨̃ ὡ̨̃ ἐβασίλευσεν τὴν κεφαλὴν Ιωακιμ βασιλέως Ιουδα καὶ ἐξήγαγεν αὐτὸν ἐξ οἰκίας ἡ̃ς ἐφυλάττετο

³²καὶ ἐλάλησεν αὐτω̨̃ χρηστὰ καὶ ἔδωκεν τὸν θρόνον αὐτου̃ ἐπάνω τω̃ν θρόνων τω̃ν βασιλέων τω̃ν μετ' αὐτου̃ ἐν Βαβυλω̃νι

³³καὶ ἤλλαξεν τὴν στολὴν τη̃ς φυλακη̃ς αὐτου̃ καὶ ἤσθιεν ἄρτον διὰ παντὸς κατὰ πρόσωπον αὐτου̃ πάσας τὰς ἡμέρας ἃς ἔζησεν

³⁴καὶ ἡ σύνταξις αὐτω̨̃ ἐδίδοτο διὰ παντὸς παρὰ του̃ βασιλέως Βαβυλω̃νος ἐξ ἡμέρας εἰς ἡμέραν ἕως ἡμέρας ἡ̃ς ἀπέθανεν

Pour que les textes en grec s’affichent correctement, il est préférable d’installer la police Lucida Sans Unicode. De même, pour les textes en slavon ancien, installez la police Hirmos. Si votre navigateur prend en charge CSS3, les polices s’afficheront automatiquement.


	Après votre inscription, vous pourrez vous abonner à l’envoi des textes de n’importe quel plan de lecture de la Bible. Nous prévoyons d’ajouter progressivement des paramètres personnalisés ainsi que d’autres services pour les utilisateurs inscrits. Nous vous conseillons donc de vous inscrire dès maintenant. C’est gratuit.