ΜΑΚΚΑΒΑΊΩΝ Γ, κεφαλίς 1: BIBLE, Grec / Septante == BIBLE-CENTRE

ΜΑΚΚΑΒΑΊΩΝ Γ, κεφαλίς 1

¹ὁ δὲ Φιλοπάτωρ παρὰ τω̃ν ἀνακομισθέντων μαθὼν τὴν γενομένην τω̃ν ὑπ' αὐτου̃ κρατουμένων τόπων ἀφαίρεσιν ὑπὸ 'Αντιόχου παραγγείλας ται̃ς πάσαις δυνάμεσιν πεζικαι̃ς τε καὶ ἱππικαι̃ς καὶ τὴν ἀδελφὴν 'Αρσινόην συμπαραλαβὼν ἐξώρμησεν μέχρι τω̃ν κατὰ 'Ραφίαν τόπων ὅπου παρεμβεβλήκεισαν οἱ περὶ 'Αντίοχον

²Θεόδοτος δέ τις ἐκπληρω̃σαι τὴν ἐπιβουλὴν διανοηθεὶς παραλαβὼν τω̃ν προϋποτεταγμένων αὐτω̨̃ ὅπλων Πτολεμαϊκω̃ν τὰ κράτιστα διεκομίσθη νύκτωρ ἐπὶ τὴν του̃ Πτολεμαίου σκηνὴν ὡς μόνος κτει̃ναι αὐτὸν καὶ ἐν τούτω̨ διαλυ̃σαι τὸν πόλεμον

³του̃τον δὲ διαγαγὼν Δοσίθεος ὁ Δριμύλου λεγόμενος τὸ γένος Ιουδαι̃ος ὕστερον δὲ μεταβαλὼν τὰ νόμιμα καὶ τω̃ν πατρίων δογμάτων ἀπηλλοτριωμένος ἄσημόν τινα κατέκλινεν ἐν τη̨̃ σκηνη̨̃ ὃν συνέβη κομίσασθαι τὴν ἐκείνου κόλασιν

⁴γενομένης δὲ καρτερα̃ς μάχης καὶ τω̃ν πραγμάτων μα̃λλον ἐρρωμένων τω̨̃ 'Αντιόχω̨ ἱκανω̃ς ἡ 'Αρσινόη ἐπιπορευσαμένη τὰς δυνάμεις παρεκάλει μετὰ οἴκτου καὶ δακρύων τοὺς πλοκάμους λελυμένη βοηθει̃ν ἑαυτοι̃ς τε καὶ τοι̃ς τέκνοις καὶ γυναιξὶν θαρραλέως ἐπαγγελλομένη δώσειν νικήσασιν ἑκάστω̨ δύο μνα̃ς χρυσίου

⁵καὶ οὕτως συνέβη τοὺς ἀντιπάλους ἐν χειρονομίαις διαφθαρη̃ναι πολλοὺς δὲ καὶ δοριαλώτους συλλημφθη̃ναι

⁶κατακρατήσας δὲ τη̃ς ἐπιβουλη̃ς ἔκρινεν τὰς πλησίον πόλεις ἐπελθὼν παρακαλέσαι

⁷ποιήσας δὲ του̃το καὶ τοι̃ς τεμένεσι δωρεὰς ἀπονείμας εὐθαρσει̃ς τοὺς ὑποτεταγμένους κατέστησεν

⁸τω̃ν δὲ Ιουδαίων διαπεμψαμένων πρὸς αὐτὸν ἀπὸ τη̃ς γερουσίας καὶ τω̃ν πρεσβυτέρων τοὺς ἀσπασομένους αὐτὸν καὶ ξένια κομιου̃ντας καὶ ἐπὶ τοι̃ς συμβεβηκόσιν χαρισομένους συνέβη μα̃λλον αὐτὸν προθυμηθη̃ναι ὡς τάχιστα πρὸς αὐτοὺς παραγενέσθαι

⁹διακομισθεὶς δὲ εἰς Ιεροσόλυμα καὶ θύσας τω̨̃ μεγίστω̨ θεω̨̃ καὶ χάριτας ἀποδοὺς καὶ τω̃ν ἑξη̃ς τι τω̨̃ τόπω̨ ποιήσας καὶ δὴ παραγενόμενος εἰς τὸν τόπον καὶ τη̨̃ σπουδαιότητι καὶ εὐπρεπεία̨ καταπλαγείς

¹⁰θαυμάσας δὲ καὶ τὴν του̃ ἱερου̃ εὐταξίαν ἐνεθυμήθη βουλεύσασθαι εἰς τὸν ναὸν εἰσελθει̃ν

¹¹τω̃ν δὲ εἰπόντων μὴ καθήκειν γίνεσθαι του̃το διὰ τὸ μηδὲ τοι̃ς ἐκ του̃ ἔθνους ἐξει̃ναι εἰσιέναι μηδὲ πα̃σιν τοι̃ς ἱερευ̃σιν ἀλλ' ἢ μόνω̨ τω̨̃ προηγουμένω̨ πάντων ἀρχιερει̃ καὶ τούτω̨ κατ' ἐνιαυτὸν ἅπαξ ὁ δὲ οὐδαμω̃ς ἐπείθετο

¹²του̃ τε νόμου παραναγνωσθέντος οὐδ' ὡ̃ς ἀπέλιπεν προφερόμενος ἑαυτὸν δει̃ν εἰσελθει̃ν λέγων καὶ εἰ ἐκει̃νοι ἐστέρηνται ταύτης τη̃ς τιμη̃ς ἐμὲ δὲ οὐ δει̃

¹³καὶ ἐπυνθάνετο διὰ τίνα αἰτίαν εἰσερχόμενον αὐτὸν εἰς πα̃ν τέμενος οὐθεὶς ἐκώλυσεν τω̃ν παρόντων

¹⁴καί τις ἀπρονοήτως ἔφη κακω̃ς αὐτὸ του̃το τερατεύεσθαι

¹⁵γενομένου δέ φησιν τούτου διά τινα αἰτίαν οὐχὶ πάντως εἰσελεύσεσθαι καὶ θελόντων αὐτω̃ν καὶ μή

¹⁶τω̃ν δὲ ἱερέων ἐν πάσαις ται̃ς ἐσθήσεσιν προσπεσόντων καὶ δεομένων του̃ μεγίστου θεου̃ βοηθει̃ν τοι̃ς ἐνεστω̃σιν καὶ τὴν ὁρμὴν του̃ κακω̃ς ἐπιβαλλομένου μεταθει̃ναι κραυγη̃ς τε μετὰ δακρύων τὸ ἱερὸν ἐμπλησάντων

¹⁷οἱ κατὰ τὴν πόλιν ἀπολειπόμενοι ταραχθέντες ἐξεπήδησαν ἄδηλον τιθέμενοι τὸ γινόμενον

¹⁸αἵ τε κατάκλειστοι παρθένοι ἐν θαλάμοις σὺν ται̃ς τεκούσαις ἐξώρμησαν καὶ ἀπέδωκαν κόνει τὰς κόμας πασάμεναι γόου τε καὶ στεναγμω̃ν ἐνεπίμπλων τὰς πλατείας

¹⁹αἱ δὲ καὶ προσαρτίως ἐσταλμέναι τοὺς πρὸς ἀπάντησιν διατεταγμένους παστοὺς καὶ τὴν ἁρμόζουσαν αἰδὼ παραλείπουσαι δρόμον ἄτακτον ἐν τη̨̃ πόλει συνίσταντο

²⁰τὰ δὲ νεογνὰ τω̃ν τέκνων αἱ πρὸς τούτοις μητέρες καὶ τιθηνοὶ παραλείπουσαι ἄλλως καὶ ἄλλως αἱ μὲν κατ' οἴκους αἱ δὲ κατὰ τὰς ἀγυιάς ἀνεπιστρέπτως εἰς τὸ πανυπέρτατον ἱερὸν ἠθροίζοντο

²¹ποικίλη δὲ ἠ̃ν τω̃ν εἰς του̃το συλλεγέντων ἡ δέησις ἐπὶ τοι̃ς ἀνοσίως ὑπ' ἐκείνου κατεγχειρουμένοις

²²σύν τε τούτοις οἱ περὶ τω̃ν πολιτω̃ν θρασυνθέντες οὐκ ἠνείχοντο τέλεον αὐτου̃ ἐπικειμένου καὶ τὸ τη̃ς προθέσεως ἐκπληρου̃ν διανοουμένου

²³φωνήσαντες δὲ τὴν ὁρμὴν ἐπὶ τὰ ὅπλα ποιήσασθαι καὶ θαρραλέως ὑπὲρ του̃ πατρώ̨ου νόμου τελευτα̃ν ἱκανὴν ἐποίησαν ἐν τω̨̃ τόπω̨ τραχύτητα μόλις δὲ ὑπό τε τω̃ν γεραιω̃ν καὶ τω̃ν πρεσβυτέρων ἀποτραπέντες ἐπὶ τὴν αὐτὴν τη̃ς δεήσεως παρη̃σαν στάσιν

²⁴καὶ τὸ μὲν πλη̃θος ὡς ἔμπροσθεν ἐν τούτοις ἀνεστρέφετο δεόμενον

²⁵οἱ δὲ περὶ τὸν βασιλέα πρεσβύτεροι πολλαχω̃ς ἐπειρω̃ντο τὸν ἀγέρωχον αὐτου̃ νου̃ν ἐξιστάνειν τη̃ς ἐντεθυμημένης ἐπιβουλη̃ς

²⁶θρασυνθεὶς δὲ καὶ πάντα παραπέμψας ἤδη καὶ πρόσβασιν ἐποιει̃το τέλος ἐπιθήσειν δοκω̃ν τω̨̃ προειρημένω̨

²⁷ταυ̃τα οὐ̃ν καὶ οἱ περὶ αὐτὸν ὄντες θεωρου̃ντες ἐτράπησαν εἰς τὸ σὺν τοι̃ς ἡμετέροις ἐπικαλει̃σθαι τὸν πα̃ν κράτος ἔχοντα τοι̃ς παρου̃σιν ἐπαμυ̃ναι μὴ παριδόντα τὴν ἄνομον καὶ ὑπερήφανον πρα̃ξιν

²⁸ἐκ δὲ τη̃ς πυκνοτάτης τε καὶ ἐμπόνου τω̃ν ὄχλων συναγομένης κραυγη̃ς ἀνείκαστός τις ἠ̃ν βοή

²⁹δοκει̃ν γὰρ ἠ̃ν μὴ μόνον τοὺς ἀνθρώπους ἀλλὰ καὶ τὰ τείχη καὶ τὸ πα̃ν ἔδαφος ἠχει̃ν ἅτε δὴ τω̃ν πάντων τότε θάνατον ἀλλασσομένων ἀντὶ τη̃ς του̃ τόπου βεβηλώσεως

Pour que les textes en grec s’affichent correctement, il est préférable d’installer la police Lucida Sans Unicode. De même, pour les textes en slavon ancien, installez la police Hirmos. Si votre navigateur prend en charge CSS3, les polices s’afficheront automatiquement.


	Après votre inscription, vous pourrez vous abonner à l’envoi des textes de n’importe quel plan de lecture de la Bible. Nous prévoyons d’ajouter progressivement des paramètres personnalisés ainsi que d’autres services pour les utilisateurs inscrits. Nous vous conseillons donc de vous inscrire dès maintenant. C’est gratuit.