ΜΑΚΚΑΒΑΊΩΝ Β, κεφαλίς 1: BIBLE, Grec / Septante == BIBLE-CENTRE

ΜΑΚΚΑΒΑΊΩΝ Β, κεφαλίς 1

¹τοι̃ς ἀδελφοι̃ς τοι̃ς κατ' Αἴγυπτον Ιουδαίοις χαίρειν οἱ ἀδελφοὶ οἱ ἐν Ιεροσολύμοις Ιουδαι̃οι καὶ οἱ ἐν τη̨̃ χώρα̨ τη̃ς Ιουδαίας εἰρήνην ἀγαθήν

²καὶ ἀγαθοποιήσαι ὑμι̃ν ὁ θεὸς καὶ μνησθείη τη̃ς διαθήκης αὐτου̃ τη̃ς πρὸς Αβρααμ καὶ Ισαακ καὶ Ιακωβ τω̃ν δούλων αὐτου̃ τω̃ν πιστω̃ν

³καὶ δώ̨η ὑμι̃ν καρδίαν πα̃σιν εἰς τὸ σέβεσθαι αὐτὸν καὶ ποιει̃ν αὐτου̃ τὰ θελήματα καρδία̨ μεγάλη̨ καὶ ψυχη̨̃ βουλομένη̨

⁴καὶ διανοίξαι τὴν καρδίαν ὑμω̃ν ἐν τω̨̃ νόμω̨ αὐτου̃ καὶ ἐν τοι̃ς προστάγμασιν καὶ εἰρήνην ποιήσαι

⁵καὶ ἐπακούσαι ὑμω̃ν τω̃ν δεήσεων καὶ καταλλαγείη ὑμι̃ν καὶ μὴ ὑμα̃ς ἐγκαταλίποι ἐν καιρω̨̃ πονηρω̨̃

⁶καὶ νυ̃ν ὡ̃δέ ἐσμεν προσευχόμενοι περὶ ὑμω̃ν

⁷βασιλεύοντος Δημητρίου ἔτους ἑκατοστου̃ ἑξηκοστου̃ ἐνάτου ἡμει̃ς οἱ Ιουδαι̃οι γεγράφαμεν ὑμι̃ν ἐν τη̨̃ θλίψει καὶ ἐν τη̨̃ ἀκμη̨̃ τη̨̃ ἐπελθούση̨ ἡμι̃ν ἐν τοι̃ς ἔτεσιν τούτοις ἀφ' οὑ̃ ἀπέστη 'Ιάσων καὶ οἱ μετ' αὐτου̃ ἀπὸ τη̃ς ἁγίας γη̃ς καὶ τη̃ς βασιλείας

⁸καὶ ἐνεπύρισαν τὸν πυλω̃να καὶ ἐξέχεαν αἱ̃μα ἀθω̃ον καὶ ἐδεήθημεν του̃ κυρίου καὶ εἰσηκούσθημεν καὶ προσηνέγκαμεν θυσίαν καὶ σεμίδαλιν καὶ ἐξήψαμεν τοὺς λύχνους καὶ προεθήκαμεν τοὺς ἄρτους

⁹καὶ νυ̃ν ἵνα ἄγητε τὰς ἡμέρας τη̃ς σκηνοπηγίας του̃ Χασελευ μηνός ἔτους ἑκατοστου̃ ὀγδοηκοστου̃ καὶ ὀγδόου

¹⁰οἱ ἐν Ιεροσολύμοις καὶ οἱ ἐν τη̨̃ Ιουδαία̨ καὶ ἡ γερουσία καὶ Ιουδας 'Αριστοβούλω̨ διδασκάλω̨ Πτολεμαίου του̃ βασιλέως ὄντι δὲ ἀπὸ του̃ τω̃ν χριστω̃ν ἱερέων γένους καὶ τοι̃ς ἐν Αἰγύπτω̨ Ιουδαίοις χαίρειν καὶ ὑγιαίνειν

¹¹ἐκ μεγάλων κινδύνων ὑπὸ του̃ θεου̃ σεσω̨σμένοι μεγάλως εὐχαριστου̃μεν αὐτω̨̃ ὡς ἂν πρὸς βασιλέα παρατασσόμενοι

¹²αὐτὸς γὰρ ἐξέβρασεν τοὺς παραταξαμένους ἐν τη̨̃ ἁγία̨ πόλει

¹³εἰς τὴν Περσίδα γενόμενος γὰρ ὁ ἡγεμὼν καὶ ἡ περὶ αὐτὸν ἀνυπόστατος δοκου̃σα εἰ̃ναι δύναμις κατεκόπησαν ἐν τω̨̃ τη̃ς Ναναίας ἱερω̨̃ παραλογισμω̨̃ χρησαμένων τω̃ν περὶ τὴν Ναναίαν ἱερέων

¹⁴ὡς γὰρ συνοικήσων αὐτη̨̃ παρεγένετο εἰς τὸν τόπον ὅ τε 'Αντίοχος καὶ οἱ σὺν αὐτω̨̃ φίλοι χάριν του̃ λαβει̃ν τὰ χρήματα πλείονα εἰς φερνη̃ς λόγον

¹⁵καὶ προθέντων αὐτὰ τω̃ν ἱερέων του̃ Ναναίου κἀκείνου προσελθόντος μετ' ὀλίγων εἰς τὸν περίβολον του̃ τεμένους συγκλείσαντες τὸ ἱερόν ὡς εἰση̃λθεν 'Αντίοχος

¹⁶ἀνοίξαντες τὴν του̃ φατνώματος κρυπτὴν θύραν βάλλοντες πέτρους συνεκεραύνωσαν τὸν ἡγεμόνα καὶ μέλη ποιήσαντες καὶ τὰς κεφαλὰς ἀφελόντες τοι̃ς ἔξω παρέρριψαν

¹⁷κατὰ πάντα εὐλογητὸς ἡμω̃ν ὁ θεός ὃς παρέδωκεν τοὺς ἀσεβήσαντας

¹⁸μέλλοντες ἄγειν ἐν τω̨̃ Χασελευ πέμπτη̨ καὶ εἰκάδι τὸν καθαρισμὸν του̃ ἱερου̃ δέον ἡγησάμεθα διασαφη̃σαι ὑμι̃ν ἵνα καὶ αὐτοὶ ἄγητε σκηνοπηγίας καὶ του̃ πυρός ὅτε Νεεμιας ὁ οἰκοδομήσας τό τε ἱερὸν καὶ τὸ θυσιαστήριον ἀνήνεγκεν θυσίας

¹⁹καὶ γὰρ ὅτε εἰς τὴν Περσικὴν ἤγοντο ἡμω̃ν οἱ πατέρες οἱ τότε εὐσεβει̃ς ἱερει̃ς λαβόντες ἀπὸ του̃ πυρὸς του̃ θυσιαστηρίου λαθραίως κατέκρυψαν ἐν κοιλώματι φρέατος τάξιν ἔχοντος ἄνυδρον ἐν ὡ̨̃ κατησφαλίσαντο ὥστε πα̃σιν ἄγνωστον εἰ̃ναι τὸν τόπον

²⁰διελθόντων δὲ ἐτω̃ν ἱκανω̃ν ὅτε ἔδοξεν τω̨̃ θεω̨̃ ἀποσταλεὶς Νεεμιας ὑπὸ του̃ βασιλέως τη̃ς Περσίδος τοὺς ἐκγόνους τω̃ν ἱερέων τω̃ν ἀποκρυψάντων ἔπεμψεν ἐπὶ τὸ πυ̃ρ ὡς δὲ διεσάφησαν ἡμι̃ν μὴ εὑρηκέναι πυ̃ρ ἀλλὰ ὕδωρ παχύ ἐκέλευσεν αὐτοὺς ἀποβάψαντας φέρειν

²¹ὡς δὲ ἀνηνέχθη τὰ τω̃ν θυσιω̃ν ἐκέλευσεν τοὺς ἱερει̃ς Νεεμιας ἐπιρρα̃ναι τω̨̃ ὕδατι τά τε ξύλα καὶ τὰ ἐπικείμενα

²²ὡς δὲ ἐγένετο του̃το καὶ χρόνος διη̃λθεν ὅ τε ἥλιος ἀνέλαμψεν πρότερον ἐπινεφὴς ὤν ἀνήφθη πυρὰ μεγάλη ὥστε θαυμάσαι πάντας

²³προσευχὴν δὲ ἐποιήσαντο οἱ ἱερει̃ς δαπανωμένης τη̃ς θυσίας οἵ τε ἱερει̃ς καὶ πάντες καταρχομένου Ιωναθου τω̃ν δὲ λοιπω̃ν ἐπιφωνούντων ὡς Νεεμιου

²⁴ἠ̃ν δὲ ἡ προσευχὴ τὸν τρόπον ἔχουσα του̃τον κύριε κύριε ὁ θεός ὁ πάντων κτίστης ὁ φοβερὸς καὶ ἰσχυρὸς καὶ δίκαιος καὶ ἐλεήμων ὁ μόνος βασιλεὺς καὶ χρηστός

²⁵ὁ μόνος χορηγός ὁ μόνος δίκαιος καὶ παντοκράτωρ καὶ αἰώνιος ὁ διασώ̨ζων τὸν Ισραηλ ἐκ παντὸς κακου̃ ὁ ποιήσας τοὺς πατέρας ἐκλεκτοὺς καὶ ἁγιάσας αὐτούς

²⁶πρόσδεξαι τὴν θυσίαν ὑπὲρ παντὸς του̃ λαου̃ σου Ισραηλ καὶ διαφύλαξον τὴν μερίδα σου καὶ καθαγίασον

²⁷ἐπισυνάγαγε τὴν διασπορὰν ἡμω̃ν ἐλευθέρωσον τοὺς δουλεύοντας ἐν τοι̃ς ἔθνεσιν τοὺς ἐξουθενημένους καὶ βδελυκτοὺς ἔπιδε καὶ γνώτωσαν τὰ ἔθνη ὅτι σὺ εἰ̃ ὁ θεὸς ἡμω̃ν

²⁸βασάνισον τοὺς καταδυναστεύοντας καὶ ἐξυβρίζοντας ἐν ὑπερηφανία̨

²⁹καταφύτευσον τὸν λαόν σου εἰς τὸν τόπον τὸν ἅγιόν σου καθὼς εἰ̃πεν Μωυση̃ς

³⁰οἱ δὲ ἱερει̃ς ἐπέψαλλον τοὺς ὕμνους

³¹καθὼς δὲ ἀνηλώθη τὰ τη̃ς θυσίας καὶ τὸ περιλειπόμενον ὕδωρ ὁ Νεεμιας ἐκέλευσεν λίθους μείζονας καταχει̃ν

³²ὡς δὲ του̃το ἐγενήθη φλὸξ ἀνήφθη του̃ δὲ ἀπὸ του̃ θυσιαστηρίου ἀντιλάμψαντος φωτὸς ἐδαπανήθη

³³ὡς δὲ φανερὸν ἐγενήθη τὸ πρα̃γμα καὶ διηγγέλη τω̨̃ βασιλει̃ τω̃ν Περσω̃ν ὅτι εἰς τὸν τόπον οὑ̃ τὸ πυ̃ρ ἔκρυψαν οἱ μεταχθέντες ἱερει̃ς τὸ ὕδωρ ἐφάνη ἀφ' οὑ̃ καὶ οἱ περὶ τὸν Νεεμιαν ἥγνισαν τὰ τη̃ς θυσίας

³⁴περιφράξας δὲ ὁ βασιλεὺς ἱερὸν ἐποίησεν δοκιμάσας τὸ πρα̃γμα

³⁵καὶ οἱ̃ς ἐχαρίζετο ὁ βασιλεύς πολλὰ διάφορα ἐλάμβανεν καὶ μετεδίδου

³⁶προσηγόρευσαν δὲ οἱ περὶ τὸν Νεεμιαν του̃το νεφθαρ ὃ διερμηνεύεται καθαρισμός καλει̃ται δὲ παρὰ τοι̃ς πολλοι̃ς νεφθαι

Pour que les textes en grec s’affichent correctement, il est préférable d’installer la police Lucida Sans Unicode. De même, pour les textes en slavon ancien, installez la police Hirmos. Si votre navigateur prend en charge CSS3, les polices s’afficheront automatiquement.


	Après votre inscription, vous pourrez vous abonner à l’envoi des textes de n’importe quel plan de lecture de la Bible. Nous prévoyons d’ajouter progressivement des paramètres personnalisés ainsi que d’autres services pour les utilisateurs inscrits. Nous vous conseillons donc de vous inscrire dès maintenant. C’est gratuit.